ជនជាតិចិនស្រវឹងស្រាបើករថ​យន្តបុកក្បាលព្រួញពុះចែកទ្រូងផ្លូវដាច់ការឡេកង់ទៅមុខលែងរួច

បុរសជនជាតិចិនពីរនាក់ស្រវឹងស្រាជោគជាំបានបេីករថយន្ត ឡិចស៊ីស មួយគ្រឿងលឿនដូចហោះជ្រុលទៅបុកក្បាលព្រួញពុះចែកទ្រូងផ្លូវបណ្ដាលឲ្យបាក់អស់កង់ ឯរថយន្តដាច់កាឡេកង់មុខខាងឆ្វេងទៅមុខលែងរួច។

ហេតុការណ៍នេះកើតឡើងកាលពីវេលាម៉ោង ១២ និង ៣០ នាទីរំលងអាធ្រាត្រឈានចូលថ្ងៃទី៣០ ខែមិថុនា ឆ្នាំ ២០២១​ នៅចំណុចមុខក្រសួងមហាផ្ទៃ តាមបណ្ដោយផ្លូវព្រះនរោត្តម សង្កាត់ទន្លេបាសាក់ខណ្ឌចំការមន រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសជនជាតិចិនពីរនាក់បើករថយន្ត មួយគ្រឿង ធ្វើដំណើរទិសដៅពីត្បូងទៅជើងក្នុងល្បឿនលឿនលុះមកដល់ចំណុចកើតហេតុខាងលើបានរេចង្កូតមកខាងឆ្វេង​ដៃជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្តាលឲ្យបាក់អស់មួយកង់ខ្ទាតចេញពីជួរ ចំណែករថយន្តបង្កមិនទាន់អស់ល្បឿនទៅមុខប្រមាណជិត ៤០ម៉ែត្រដាច់កាឡេកង់ខាងមុខខាងឆ្វេងទៅលែងរួច។

ក្រោយកើតហេតុសមត្ថកិច្ចមូលដ្ឋានចុះមិនយល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់៕

អត្ថបទ៖ សុខា