ចរាចរណ៍

រថយន្តកុងតឺន័របុក រូបសំណាក់នាគព័ន្ធខ្ទេចទាំងស្រុងរាបដល់ដី នៅក្រុងស្វាយរៀង

បានផុស

៤ years មុន

នៅ

ថ្ងៃអង្គារ ១៧ សីហា ២០២១

ដោយ

រង្វង់មូលរូបសំណាក់នាគព័ន្ធ ខេត្តស្វាយរៀង ត្រូវបានរថយន្តកុងតឺន័របុកខ្ទេចទាំងស្រុងរាបដល់ដី កាលមិញ នៅវេលាម៉ោងប្រហែលជា៨និង៣០នាទីយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មានបឋម នៅវេលាម៉ោងប្រហែលជា៨និង៣០នាទីយប់ កាលពីថ្ងៃទី១៦ ខែសីហា ឆ្នាំ២០២១ មានព្រឹត្តិការណ៍គ្រោះថ្នាក់ចរាចរណ៍មួយ ដែលបង្កឡើងដោយរថយន្តកុងតឺន័រពាក់ស្លាកលេខភ្នំពេញ 3C-0630 លេខកន្ទុយរ៉ឺម៉ក ភ្នំពេញ 4A-1592 បើកបរមកពីទិសខាងលិច ឆ្ពោះមកទិសខាងកើត នៅលើដងផ្លូវជាតិលេខ១ លុះមកដល់ត្រង់ចំណុចខាងមុខមន្ទីរអប់រំយុវជននិងកីឡាខេត្តស្វាយរៀង ស្ថិតក្នុងក្រុងស្វាយរៀង ក៏បានជ្រុលចង្កូតទៅបុករូបសំណាក់នាគព័ន្ធ ដែលមានសរសេរពាក្យស្លោកថា”ខេត្តស្វាយរៀងសូមស្វាគមន៍” បណ្ដាលឲ្យខ្ទេចខ្ទីទាំងស្រុងរាបដល់ដីតែម្ដង។

ទោះបីជាយ៉ាងណាក៏ដោយគេមិនទាន់ ទទួលបាននូវព័ត៌មានលម្អិតនៅឡើយនោះទេ រហូតដល់ម៉ោង១០:០០យប់ សកម្មភាពទាញឡានកុងតឺន័រ ដែលបង្កគ្រោះថ្នាក់ចរាចរណ៍ខាងលើនៅមិនទាន់រួចរាល់នៅឡើយនោះទេ។

ប៉ុន្តែមានពាក្យចចាមអារ៉ាម បាននិយាយពីមាត់មួយទៅមាត់មួយថា ទី១ មកពីទីកន្លែងនេះ មានសភាពងងឹតពេក, ទី២ បណ្ដាលមកពីអ្នកបើកបររថយន្តខាងលើមិនស្គាល់ភូមិសាស្ត្រ នៃខេត្តស្វាយរៀងបានច្បាស់លាស់, ទី៣ សង្ស័យអ្នកបើករថយន្តបង្កខាងលើ លេងទូរសព្ទបណ្ដើរ, ទី៤ សង្ស័យ អ្នកបើកបរ មានជាតិស្រវឹងក្នុងខ្លួន។