ចរាចរណ៍

រថយន្តមួយគ្រឿង បើកលឿនជ្រុលបុករបាំងថ្មពុះចែកទ្រូងផ្លូវ រួញអស់មួយកំណាត់មុខ

បានផុស

៥ years មុន

នៅ

ថ្ងៃចន្ទ ៨ វិច្ឆិកា ២០២១

ដោយ

រថយន្ត Toyota Prius មួយគ្រឿងដែលគេអះអាងថា មានប្រុសស្រីប្រមាណ៥នាក់រួមដំណើរ បានបើកបរក្នុងល្បឿនលឿន រហូតជ្រុលទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យរថយន្តខ្ទេចមួយកំណាត់មុខយ៉ាងធ្ងន់ធ្ងរ ហើយអ្វីដែលគួរឲ្យកត់សំគាល់មួយទៀតនោះ ក្រោយការបុករថយន្ត១គ្រឿងនេះ ក៏ត្រូវរថយន្តមួយគ្រឿងទៀត មិនចាំម៉ាកបានបើកមកបុកពីក្រោយបន្ថែមទៀត បណ្តាលឲ្យទទួលរងការខូចខាត រួចបើកគេចបាត់ស្រមោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១ និង៣០នាទីរំលងអធ្រាត្រឆ្លងចូលថ្ងៃទី៨ ខែវិច្ឆិកា ឆ្នាំ២០២១ នៅចំណុចស្តុបវត្តនាគវ័ន តាមបណ្ដោយផ្លូវសហព័ន្ធរុស្ស៊ី ក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនដំបូងគេឃើញរថយន្តម៉ាក Toyota Prius ពណ៌ឈាមជ្រូក ពាក់ស្លាកលេខភ្នំពេញ 2AI-1327 ដោយមានប្រុសស្រីប្រមាណ៥នាក់ក្នុងរថយន្ត ធ្វើដំណើរទិសដៅពីកើតមកលិចក្នុងល្បឿនលឿន ខណៈមកដល់ចំណុចកើតហេតុក៏ជ្រុលចង្កូតទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យរថយន្តខ្ទេចមួយកំណាត់មុខ រីឯរបាំងថ្មបាក់អស់មួយកង់។ ស្របពេលនោះដែរ ក៏មានរថយន្តមួយគ្រឿងទៀត មិនចាំម៉ាកបានធ្វើដំណើរមកពីក្រោយ បានបុករថយន្តព្រូសពីចំហៀងបន្ថែមទៀត រងការខូចខាតផងដែរ តែរថយន្តបង្កនោះមិនឈប់ទទួលខុសត្រូវទេ ដោយបានបន្ថែមល្បឿនបើកគេចខ្លួនបាត់។

ក្នុងករណីគ្រោះថ្នាក់ចរាចរណ៍នេះ មិនបណ្ដាលឲ្យនរណាម្នាក់រងរបួស ឬគ្រោះថ្នាក់ដល់អាយុជីវិតនោះទេ ខណៈពេលដែរបង្កហេតុភ្លាមៗ អ្នកបើកបរនិងអ្នករួមដំណើរនាំគ្នាគេចខ្លួនបាត់អស់។ ក្រោយពេលកើតហេតុសមត្ថកិច្ចមូលដ្ឋាន បានសហការជាមួយសមត្ថកិច្ចជំនាញចរាចរណ៍ធ្វើការវាស់វែង និងស្ទូចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់ ៕

អត្ថបទ៖ ស្រីរ័ត្ន

Related Topics:គ្រោះថ្នាក់ចរាចរណ៍

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា