ចរាចរណ៍
រថយន្តព្រូសបើកបញ្ច្រាសទិស និងបំពានភ្លើងស្តុប ត្រូវរថយន្តធុនធំបុកវិលពីរជុំ
នារីម្នាក់សង្ស័យស្រវឹងស្រា បើករថយន្តបញ្ច្រាសទិសដៅចរាចរណ៍ និងបំពានភ្លើងស្ដុប ត្រូវរថយន្តហ៊ីយ៉ាន់ដាយ ប្រភេទដឹកទំនិញធុនធំមួយគ្រឿងបុកវិលពីរជុំ ហើយរថយន្តធុនធំ បានរេចង្កូតទៅបុកបង្គោលភ្លើងស្តុបដួលរំលំ សង្កត់លើម៉ូតូកង់បីឥណ្ឌាមួយគ្រឿង បណ្តាលឲ្យបុរសជាព្រូម្នាក់ គាបជើងជាប់ក្នុងកាប៊ីនរងរបួស។
ហេតុការណ៍នេះ បានកើតឡើងកាលពីវេលាម៉ោង ១១ និង៥០នាទីយប់ ថ្ងៃទី ៦ ខែមករា ឆ្នាំ ២០២២ នៅចំណុចស្តុប កងរាជអាវុធហត្ថលើផ្ទៃប្រទេស តាមបណ្តោយផ្លូវ ២៨៩ កែងនឹង ៥២៨ ស្តិតក្នុងសង្កាត់បឹងកក់ទី ១ ខណ្ឌទួលគោក រាជធានីភ្នំពេញ។
តាមប្រភព ពីប្រជាពលរដ្ឋឃើញហេតុការណ៍នេះ បានឲ្យដឹងថា មុនកើតហេតុគេឃើញនារីម្នាក់ បើករថយន្តតូយ៉ូតាព្រូស ពណ៌សមួយគ្រឿង ពាក់ស្លាកលេខ ភ្នំពេញ 2BE-5961ធ្វើដំណើរតាមបណ្ដោយផ្លូវ ៥២៨ ទិសដៅពីត្បូងទៅជើង បញ្ច្រាសទិសដៅចរាចរណ៍ និងបំពានភ្លើងស្តុប។
លុះមកដល់ចំណុចកើតហេតុខាងលើ ក៏មានរថយន្តហ៊ីយ៉ាន់ដាយ ប្រភេទដឹកទំនិញធុនធំមួយគ្រឿងក្បាលពណ៌ស ទ្រុងពណ៌ខៀវ ពាក់ស្លាកលេខកំពង់ចាម 3A-8646 បើកបរដោយបុរសម្នាក់ រួមដំណើរនឹងព្រូពីរនាក់ទៀត ធ្វើដំណើរតាមបណ្តោយផ្លូវ ២៨៩ ទិសដៅពីជើងទៅត្បូង ចាប់ហ្វ្រាំងមិនទាន់ជ្រុលបុករថយន្តព្រូសពីមុខខាងស្តាំពេញទំហឹង បណ្ដាលឲ្យរថយន្តព្រូសវិលពីរជុំ។
ចំណែករថយន្តធុនធំ បានរេចង្កូតមកខាងស្ដាំដៃជ្រុល ទៅបុកបង្គោលភ្លើងស្តុប ដួលរលំសង្កត់មកលើកង់បីឥណ្ឌាមួយគ្រឿង ពណ៌ស ពាក់ស្លាកលេខស្វាយរៀង 1O-4479 កំពុងចតស្ងៀម បណ្ដាលឲ្យរងការខូចខាតយ៉ាងដំណំ តែសំណាងល្អម្ចាស់កង់បីរត់ចេញទាន់។ ភ្លាមនោះគេឃើញ បុរសជាព្រូរថយន្តម្នាក់ បានគាបជើងជាប់នៅក្នុងកាប៊ីនរថយន្ត ត្រូវបានប្រជាពលរដ្ឋ ជួយគាស់រួចយកចេញ បញ្ជូនតាមរថយន្តសង្គ្រោះបន្ទាន់ ទៅសង្គ្រោះនៅឯមន្ទីរពេទ្យភ្លាមៗ។
ក្រោយកើតហេតុ សមត្ថកិច្ចមូលដ្ឋាន បានចុះដល់បានទំនាក់ទំនង ទៅសមត្ថកិច្ចជំនាញ ចុះមកធ្វើការវាស់វែងយករថយន្តទាំងពីរគ្រឿង និងម៉ូតូកង់បីមួយគ្រឿងទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាន នគរបាលរាជធានីភ្នំពេញ រង់ចាំធ្វើការដោះស្រាយគ្នា តាមផ្លូវច្បាប់៕
អត្ថបទ៖ សុខា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ