ចរាចរណ៍

រថយន្ត TOYOTA RALLY បើកបុកម៉ូតូ ពេញទំហឹង បណ្តាលឲ្យយុវជនម្នាក់ស្លាប់យ៉ាងអាណោចអាធ័ម

បានផុស

៤ years មុន

នៅ

ថ្ងៃព្រហស្បតិ៍ ២៤ មីនា ២០២២

ដោយ

ភ្នំពេញ ៖ យុវជនម្នាក់បានស្លាប់នៅនឹងកន្លែងយ៉ាងអាណោចអាធ័ម ខណៈជិះម៉ូតូតាមដងផ្លូវ ត្រូវរថយន្ត ម៉ាក TOYOTA RALLY មួយគ្រឿង បើកក្នុងល្បឿនលឿន បុកពេញទំហឹងកាលពីវេលាម៉ោង២និង៤០ រសៀលថ្ងៃទី២៤ ខែ មីនា ឆ្នាំ ២០២២ នៅតាមបណ្តោយផ្លូវបេតុង ចូលមណ្ឌលឱកាសខ្ញុំ ក្នុង សង្កាត់ឃ្មួញ ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនរងគ្រោះ ពុំទាន់ស្គាល់អត្តសញ្ញាណនៅឡើយ មានអាយុ ប្រមាណជិត២០ឆ្នាំ ជិះម៉ូតូ ម៉ាកវ៉េវ ពណ៌ខ្មៅ សេរីចាស់ពាក់ស្លាកលេខ ភ្នំពេញ១AI4491។ ចំណែករថយន្តបង្កម៉ាក TOYOTA RALLY ពណ៌ស ពាក់ស្លាកលេខ ភ្នំពេញ2BM.9950 ។

តាមព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញ ជនរងគ្រោះ បានជិះម៉ូតូ ធ្វើដំណើរតាមផ្លូវបេតុង ក្នុងទិសដៅពីលិចទៅកើត ខណៈមកដល់កន្លែងកើតហេតុ ស្រាប់តែ មានរថយន្ត ម៉ាកម៉ាក TOYOTA RALLY ធ្វើដំណើរ ក្នុងទិសដៅពីកើតទៅលិច បញ្ច្រាស់គ្នា មកបុកពេញទំហឹង បណ្តាលឲ្យយុវជនរងគ្រោះ ស្លាប់នៅកន្លែងយ៉ាងអាណោចអាធ័ម ភ្លាមៗអ្នកបើកបរ រថយន្តបានគេចខ្លួនបាត់។

បន្ទាប់ពីកើតមានគ្រោះថ្នាក់នគរបាលចរាចរណ៍ក៏បានចុះទៅវាស់វែង យករថយន្តនិងម៉ូតូ បញ្ជូន ទៅកាន់ការិយាល័យ ចរាចរណ៍ផ្លូវគោក ដើម្បី ចាត់ការតាមច្បាប់ ។ចំណែកសព ត្រូវបាននគរបាលបញ្ជូន ទៅកាន់ឈាបនដ្ឋានវត្តទឹកថ្លាដើម្បីរង់ចាំបងប្អូនមកទទួលយកទៅធ្វើបុណ្យតាមប្រពៃណី៕

ដោយ ៖ សុខា

Related Topics:គ្រោះថ្នាក់ចរាចរណ៍

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា