ចរាចរណ៍
ព្រះសង្ឃមួយអង្គបើករថយន្តឆ្លាមបុករថយន្តលុចស៊ីសRX300 បង្កការភ្ញាក់ផ្អើលពលរដ្ឋចោមរោមមើលទាំងយប់
បន្ទាយមានជ័យ ៖ មានការភ្ញាក់ផ្អើលកណ្តាលទីរួមខេត្តបន្ទាយមានជ័យទាំងយប់ពលរដ្ឋចោមរោមមើលព្រោងព្រាតនិងហួសចិត្តបើមិនឃើញគឺមិនជឿ ព្រោះតែព្រះសង្ឃមួយអង្គមិនដឹងគង់នៅវត្តណា បើករថយន្តរ៉េបុករថយន្តមួយគ្រឿងទៀតទិសដៅផ្ទុយគ្នា។
ហេតុការណ៍គ្រោះថ្នាក់ចរាចរណ៍បង្កដោយព្រះសង្ឃបើករថយន្តនេះ កើតឡើងនៅវេលាម៉ោងប្រមាណជា៧និង៣០នាទីថ្ងៃទី២៥ ខែសីហា ឆ្នាំ២០២២ ត្រង់លើកំណាត់ផ្លូវជាតិលេខ៥ ចំណុចខាងលិចភ្លើងស្តុបមុខសាលាខេត្តបន្ទាយមានជ័យ ប្រមាណជាង១០ម៉ែត្រ មុខសណ្ឋាគាររុងរឿងក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ។
តាមពលរដ្ឋជាច្រើននាក់ នៅសងខាងផ្លូវដែលបានឃើញហេតុការណ៍បានអោយដឹងថា ខណៈដែលមានរថយន្តជាច្រើនត្រៀមនិងកំពុងធ្វើដំណើរឆ្លងកាត់ភ្លើងស្តុបស្រាប់តែមានរថយន្តឆ្លាមមួយគ្រឿងបើកពីកើតទៅលិចឆ្លងកាត់ភ្លើងស្តុបពាក់ស្លាកលេខភ្នំពេញ2L-0874 រ៉េទៅបុករថយន្តមួយគ្រឿងទៀតម៉ាកលុចស៊ីស ពណ៌ទឹកមាសពាក់ស្លាកលេខភ្នំពេញ2J-8522ម្ខាងផ្លូវក្នុងទិសដៅផ្ទុយគ្នាបណ្តាលអោយប៉ះចំត្រងកងក្រោយខាងឆ្វេងបណ្តាលអោយរថយន្តបង្កជារថយន្តឆ្លាមរងការខូចផ្នែកខាងមុខខាងឆ្វេងរថយន្តមិនអាចបើកទៅមុខរួច។
ភ្លាមៗនោះ ខាងរថយន្តឆ្លាមមិនបានចុះនិយាយគ្នាឡើយ ហើយថែមទាំងបិទកញ្ចក់រថយន្តនិងចុចបិទទ្វារឡានមិនអោយបើកបានឡើយ រហូតមានពលរដ្ឋឆោមរោមខ្លាំង ទើបខាងរថយន្តឆ្លាមបើកទ្វារចុះបែរជាព្រះសង្ឃវិញ ហើយទៅនិយាយឲ្យទូរសព្ទមួយគ្រឿងដែលព្រះសង្ឃអង្គនោះថាទូរសព្ទមានតម្លៃជាងមួយរយដុល្លារតែខាងរថយន្តរងគ្រោះជាស្ត្រីមិនព្រមទទួល។
សាក្សីបានអោយដឹងទៀតថា ក្នុងរថយន្តឆ្លាមបង្កហេតុមានព្រះសង្ឃមួយអង្គទៀតនិងយាយជីមួយនាក់។ ចំណែករថយន្តលុចស៊ីសបើកបរដោយស្ត្រីម្នាក់ឈ្មោះយ៉ាយ ពៅ អាយុ៤១ឆ្នាំមានទីលំនៅនៅឃុំកូបស្រុកអូរជ្រៅខេត្តបន្ទាយមានជ័យ រួមដំណើរដោយក្មួយពីរនាក់ ដើម្បីទៅខេត្តសៀមរាបបានរងការភ័យខ្លាចជាខ្លាំងស្រែកអោយគេជួយ។
ក្រោយពេលកើតហេតុភ្លាមៗ សមត្ថកិច្ចនគរបាលចរាចរជើងគោកនៃស្នងការនគរបាលខេត្តបន្ទាយមានជ័យបានចុះធ្វើចរាចរនិងបាននិមន្តនិងនាំព្រះសង្ឃទាំងពីរអង្គនិងយាយជីម្នាក់ទៅកាន់ការិយាល័យចរាចរខេត្ត។
នគរបាលចរាចរណ៍បានអោយដឹងទៀតថា ចំពោះព្រះសង្ឃទាំងពីរអង្គនិងយាយជីម្នាក់ទៀតគឺគង់នៅវត្តប៉ោយអង្គរនាស្រុកម៉ាឡៃសង្ស័យព្រះសង្ឃ ដែលបើករថយន្តតែឆាន់សុរាដូចនេះត្រូវយកទៅកន្លែងដើម្បីវាសជាតិអាកុលនិងអនុវត្តតាមនីតិវិធីច្បាប់។
តែក្រោយយកដល់កន្លែងត្រូវបានខាងមេគុណខេត្តស្នើសុំយកលោកទៅអនុវត្តតាមវិន័យសង្ឃក្នុងដំណាក់ការដំបូង។
ហេតុការណ៍គ្រោះថ្នាក់ចរាចរណ៍ ដែលមិនធ្លាប់កើតមានរវាងអ្នកបង្កជាព្រះសង្ឃមិនបង្កអោយរងរបួស ឬ ស្លាប់ភាគីរថយន្តទាំងពីរឡើយ។ ក្រោយវាស់វែងធ្វើកំណត់ហេតុរួចរថយន្តទាំងពីរត្រូវបានសមត្ថកិច្ចយករថយន្តមកស្ទូចទៅរក្សាទុកនៅស្នងការខេត្តរង់ចាំធ្វើការដោះស្រាយ៕
ដោយ ៖ អ.ពៅ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ