ចរាចរណ៍
សមត្ថកិច្ចរកសពឃើញ៣នាក់ ក្នុងករណីធ្លាក់រថយន្ដចូលជ្រោះទំនប់វារីអគ្គិសនីកំចាយ
បុរសបីនាក់បានបាត់ខ្លួន ក្នុងនោះមានជនជាតិចិនពីរនាក់ ក្រោយពេលជិះរថយន្តតួរីសពណ៌សមួយគ្រឿង បើកធ្លាក់ជ្រោះនៅចំណុចក្រោមទំនប់វារីអគ្គិសនីកំចាយ ចម្ងាយ ១៥០ ម៉ែត្រ ស្ថិតក្នុងភូមិស្នំប្រាំពីរ ឃុំម៉ាក់ប្រាង្គច្រកទឹកឈូ ខេត្តកំពត។
បើយោងតាមការឲ្យដឹងពីសមត្ថកិច្ច បានបញ្ជាក់ឲ្យដឹងថា ក្នុងហេតុការណ៍គ្រោះថ្នាក់នេះ បានកើតឡើងកាលពីយប់ថ្ងៃទី ២៨ ខែកញ្ញា ឆ្នាំ ២០២២ វេលាម៉ោង ២២ និង ០០ នាទី ដោយរថយន្តលិចបាត់នៅក្នុងទឹក ខណៈពេលនោះទឹកក្នុងទំនប់វារីអគ្គិសនីកំពុងមានការកើនឡើងខ្លាំង។
ក្រោយទទួលបានព័ត៌មានរហូតមកដល់ម៉ោង ១២ ថ្ងៃត្រង់ នៅថ្ងៃទី ២៩ ខែកញ្ញា ឆ្នាំ ២០២២ ទើបប្រទះឃើញរថយន្តនោះនៅខាងក្រោមកន្លែងកើតហេតុចម្ងាយប្រហែល ៥០០ ម៉ែត្រ ចំណែកឯមនុស្សវិញបានបាត់ខ្លួន។
សមត្ថកិច្ចក៏បានបញ្ជាក់បន្ថែមឲ្យដឹងថា រថយន្តដែលបានជួបគ្រោះថ្នាក់នេះ ម៉ាកតួរីស ពណ៌ស ពាក់ផ្លាកលេខភ្នំពេញ ១AH ៨៤៣៧ បើកបរដោយឈ្មោះ សាយ ភត្ត្រា ភេទប្រុស អាយុ ២៣ ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ដោយអ្នករួមដំណើរជាជនជាតិចិនពីរនាក់មានឈ្មោះ Li Zhen ភេទប្រុស ឆ្នាំកំណើតថ្ងៃទី ១២ ខែកញ្ញា ឆ្នាំ ១៩៩៩ ជាជនជាតិចិន កាន់លិខិតឆ្លងដែន EJ១៨៨៦៤៤៦ និងឈ្មោះ Xiong Erpi ភេទប្រុស ឆ្នាំកំណើតថ្ងៃទី ២១ ខែវិច្ឆិកា ឆ្នាំ ១៩៨៨ ជាជនជាតិចិន កាន់លិខិតឆ្លងដែន EJ២៧៤៩៤១ អ្នកទាំងបី បានបាត់ខ្លួនរកមិនទាន់ឃើញនោះទេ។
ក្នុងហេតុការណ៍ដែលមានកាបាត់ខ្លួនបីនាក់នេះកំពុងស្ថិតនៅក្រោមប្រតិបត្តិការរុករក ករណីនេះបានដឹកនាំកម្លាំងសមត្ថកិច្ចដោយលោក អ៊ុម ច័ន្ចសោធន អភិបាលស្រុកទឹកឈូ ហើយលោកអភិបាលស្រុកក៏បានបញ្ជាក់ឲ្យដឹងថា នៅក្នុងហេតុការណ៍នេះរហូតមកដល់ព្រឹកថ្ងៃទី ៣០ ខែកញ្ញា ឆ្នាំ ២០២២ នេះ កម្លាំងសមត្ថកិច្ចជំនាញ និងអាជ្ញាធរស្រុកទឹកឈូ ត្រូវបានប្រតិបត្តិការស្វែងរកបុរសទាំងបីនាក់ដែលបានបើករថយន្តធ្លាក់ជ្រោះចំណុចខាងក្រោមទំនប់វារីអគ្គិសនីកំចាយ ដែលបាត់ខ្លួននោះត្រូវបានរកឃើញនៅព្រឹកមិញនេះហើយ៕
អត្ថបទ ៖ សឹង រ៉ាត់
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»