ចរាចរណ៍
រថយន្ដធុនធំកិនស្លាប់ប្ដីប្រពន្ធពីរនាក់ ចំណែកកូនរបួសធ្ងន់ ខណៈជិះម៉ូតូឌុបគ្នាបុកសត្វគោរត់ឆ្លងផ្លូវ
គ្រោះថ្នាក់ចរាចរណ៍នៅលើផ្លូវជាតិលេខ៦ ស្លាប់មនុស្សផ្ទួនៗប៉ុន្មានថ្ងៃនេះ។ ជាក់ស្តែងនៅរសៀលថ្ងៃទី៥ ខែមីនា ឆ្នាំ២០២៣ នៅតាមបណ្តោយផ្លូវជាតិលេខ៦ ខាងលិចភូមិ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ មានករណីគ្រោះថ្នាក់ចរាចរណ៍កើតឡើងរវាងបុរសម្នាក់ជិះម៉ូតូឌុបប្រពន្ធ និងកូនប្រុសត្រឡប់ពីវាស់ដីវិញស្រាប់តែមានសត្វគោរត់ឆ្លងថ្នល់បុកគោដួលលើផ្លូវជាតិ ស្របពេលនោះរថយន្តធុនធំជិះមកដល់កិនស្លាប់២នាក់ របួសកូនប្រុសធ្ងន់១នាក់ ត្រូវបានមន្ត្រីចរាចណ៍ដឹកតាមរថយន្តទៅសង្គ្រោះនៅមន្ទីរពេទ្យភ្លាមៗ។
មន្ត្រីនគរបាលចរាចរណ៍ជើងគោកនៃអធិការដ្ឋាននគរបាលស្រុកព្រះនេត្រព្រះ បានប្រាប់ឲ្យដឹងថា ជនរងគ្រោះស្លាប់២នាក់ ឈ្មោះ សុខ ណាង ភេទប្រុសអាយុ៣៥ឆ្នាំត្រូវជាប្តី។ ឈ្មោះ វី ឈៀប អាយុ៣៧ឆ្នាំ ឈ្មោះ សុខ សីហា អាយុ៧ឆ្នាំជាកូនរបួសធ្ងន់ ទាំង៣នាក់ រស់នៅភូមិសួនអំពៅ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
មន្ត្រីនគរបាលចរាចរណ៍បានប្រាប់ឲ្យដឹងបន្តទៀតថា មុនពេលគ្រោះថ្នាក់នោះ ជនរងគ្រោះបានជិះម៉ូតូហុងដាទ្រីម ពាក់ផ្លាកលេខ បាត់ដំបងAO.6766 បានឌុបប្រពន្ធ និងកូនប្រុសម្នាក់ត្រឡប់ពីវាស់ដីនៅខេត្តព្រះវិហារគោលបំណងត្រឡប់ទៅស្រុកវិញ ក្នុងចំណោមម៉ូតូ៣គ្រឿងមានម៉ូតូប្អូនប្រុស និងកូនប្រសារផងដែរ នៅពេលបើកម៉ូតូតាមបណ្តោយផ្លូវជាតិលេខ៦ពីកើតមកលិចដល់ចំណុចកើតហេតុមានគោ១ក្បាលរត់ឆ្លងផ្លូវត្រូវបានជនរងគ្រោះបុកពេញទំហឹងបណ្តាលដួលលើដងផ្លូវ ត្រូវរថយន្តធុនធំពាក់ផ្លាកលេខភ្នំពេញ3C.1460 និងរ៉ឺម៉កក្រោយផ្លាកលេខព្រះសីហនុ4A.3008 បើកស្របទិសគ្នាកិនស្លាប់ភ្លាម២នាក់ប្តី និងប្រពន្ធ ចំណែកកូនប្រុសរបួសធ្ងន់ត្រូវបានសង្គ្រោះបន្ទាន់ភ្លាមៗផងដែ។
មន្ត្រីនគរបាលចរាចរណ៍បានបញ្ជាក់ឲ្យដឹងទៀតថា នៅមួយសន្ទុះក្រោយមកសមត្ថកិច្ចចុះមកដល់កន្លែងកើតហេតុ ធ្វើការពិនិត្យ វាស់វែង សពនគរបាលវិចខ្ចប់ដឹកតាមរថយន្តសង្គ្រោះបញ្ជូនដល់ផ្ទះជនរងគ្រោះនៅខេត្តប៉ៃលិន ហើយម៉ូតូជនរងគ្រោះនិងរថយន្តបង្កគ្រោះថ្នាក់ ត្រូវបានយកទៅរក្សាទុកនៅអធិការដ្ឋាននគរបាលស្រុកព្រះនេត្រព្រះ ដើម្បីអនុវត្តតាមច្បាប់ចរាចរណ៍ផ្លូវគោក៕
អត្ថបទ៖ វ៉ាន់ ណាង
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម