ប៉ាតាយ៉ា ក៏ស្ថិតក្នុងចំណោមទីក្រុងមានការលូកហោប៉ៅនិងពោរពេញដោយ Scam ខ្លាំងបំផុតលើលោកដែរ

ក្រៅពីរាជធានីបាងកក សូម្បី ប៉ាតាយ៉ា ក៏ជាប់ឈ្មោះក្នុងចំណោមទីក្រុងកំពូលទាំង១០ លើពិភពលោក ដែលកើតមានករណីលូកហោប៉ៅញឹកញាប់និងពោរពេញដោយការឆបោកតាមអនឡាញ ​(Scam) ក្នុងរបាយការណ៍របស់គេហទំព័រដ៏ល្បីរបស់អង់គ្លេស Compare the Market ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរបាយការណ៍នោះ Compare the Market បានបង្ហាញថា ប៉ាតាយ៉ា ដែលមនុស្សភាគច្រើនស្គាល់ថាជាកន្លែងពោរពេញដោយសេវាកម្មផ្លូវភេទនិងការកម្សាន្តពេលរាត្រី ត្រូវបានអ្នកទេសចរវាយតម្លៃខ្ពស់នៃការឆបោកតាមអនឡាញនិងលូកហោប៉ៅ ពោលគឺទទួលបានពិន្ទុ៤៤.៤៣លើ១០០ ស្ថិតនៅចំណាត់ថ្នាក់លេខ៨។

គេហទំព័រនេះសរសេរថា «ទិដ្ឋភាពដ៏រស់រវើករបស់ប៉ាតាយ៉ា ក៏បានទាក់ទាញពួកឱកាសនិយមផងដែរ។ តូបលក់ដូរតាមដងផ្លូវ និងតំបន់កម្សាន្តពេលរាត្រី គឺជាកន្លែងដែលអ្នកធ្វើដំណើរត្រូវតែ ប្រុងប្រយ័ត្នខ្ពស់ ចំពោះទ្រព្យសម្បត្តិរបស់ពួកគេ»។ 

សម្រាប់របាយការណ៍របស់ Compare the Market, បាងកក ឈរនៅលំដាប់លេខ១លើពិភពលោក ជាទីក្រុងពោរពេញដោយករណីទាំង២ខាងលើ។ ក្នុងការឲ្យពិន្ទុ ទេសចរជាង ១ ០០០នាក់បានបញ្ជាក់ច្បាស់ថា រាជវាំងថៃ ជាកន្លែងកើតមានឧក្រិដ្ឋកម្មទេសចរណ៍ខ្លាំងបំផុតលើពិភពលោក ខណៈ២ទីតាំងទៀត ដែលកើតមានករណី Scam និងលូកហោប៉ៅគួរឲ្យខ្លាចគឺវត្តភូ និងផ្សារចតុចក្រ។

ក្រៅពីបាងកកឈរលេខ១ ទីក្រុងលើពិភពលោកចំនួន៤ទៀត ដែលស្ថិតក្នុងលំដាប់កំពូលទាំង៥ កើតការលូកហោប៉ៅញឹកញាប់និងពោរពេញ Scam មានដូចជា ប៉ារីស (ប្រទេសបារាំង), ប្រាក (សាធារណរដ្ឋឆែក), សៀងហៃ (ប្រទេសចិន) និង Agra (ប្រទេសឥណ្ឌា)៕

អត្ថបទ៖ សុខ សុវណ្ណ

ចុចអាន៖ បាងកក ជាប់លេខ១លើលោក ជាទីក្រុងពោរពេញដោយ Scam និងកើតមានការលូកហោប៉ៅញឹកញាប់បំផុត