ព័ត៌មានជាតិ
គណៈកម្មការសាខាខេត្តចុះបាញ់ថ្នាំសម្លាប់មេរោគនៅក្នុងផ្សារក្រុងព្រៃវែង
ព្រៃវែង៖ គណៈកម្មាធិការសាខាខេត្ត នៅថ្ងៃទី១៣ ខែមេសា ឆ្នាំ២០២១ បានដឹកនាំក្រុមការងារអនុសាខាក្រុង ក្រុមប្រតិបត្តិសាខា ចុះបាញ់ថ្នាំសម្លាប់មេរោគក្នុងផ្សារក្រុងព្រៃវែង ដើម្បីចូលរួមអង្គការទប់ស្កាត់នៃការឆ្លងនៅមេរោគកូវីដ-១៩ នៅក្នុងផ្សារក្រុងព្រៃវែង នៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរជិតចូលមកដល់នេះ ដែលមានប្រជាពលរដ្ឋច្រើនមកទិញសម្ភារៈដើម្បីរៀបចំទទួលទេវតា។
លោក សុខ ផេង អនុប្រធានអចិន្ត្រៃយ៍គណៈកម្មការសាខាខេត្ដ បានមានប្រសាសន៍ថា ចំពោះការចុះបាញ់ថ្នាំសម្លាប់មេរោគនេះគឺមិនមែនធ្វើតែនៅក្នុងផ្សារក្រុងព្រៃវែងតែមួយនេះនោះទេ គឺបានចុះបាញ់នៅតាមមន្ទីរអង្គភាពជាច្រើនមកហើយនៅក្នុងខេត្តព្រៃវែង ក៏ដូចជាកន្លែងធ្វើចត្តាឡីស័កផងដែរ។
លោក សុខ ផេង បានបញ្ជាក់បន្ថែមទៀតថា ចំពោះយុទ្ធនាការចុះបាញ់ថ្នាំសម្លាប់មេរោគនៅក្នុងផ្សារក្រុងព្រៃវែងនេះគឺដើម្បីចូលរួមទប់ស្កាត់ការឆ្លងនៃវីរុសផ្សេងៗ ជាពិសេសគឺជម្ងឺកូវីដ-១៩ តែម្តង ដែលសព្វថ្ងៃមេរោគនេះបាន និងកំពុងតែរីករាលដាលឆ្លង និងគំរាមកំហែងដល់អាយុជីវិតរបស់ប្រជាពលរដ្ឋជាច្រើននៅលើពិភពលោកព្រមទាំងនៅកម្ពុជា ដែលមកដល់ពេលនេះក៏មានអ្នកស្លាប់មួយចំនួនដែរ។
លោក សុខ ផេង បានផ្ដាំផ្ញើដល់អាជីវករលក់ដូរនៅក្នុងផ្សារទាំងអស់ រួមទាំងប្រជាពលរដ្ឋដែលបានអញ្ជើញមកទិញសម្ភារៈប្រើប្រាស់នៅក្នុងផ្សារនេះ ទោះបីជាយើងបានបាញ់ថ្នាំសម្លាប់មេរោគក៏ពិតមែន ក៏ប៉ុន្តែមិនត្រូវធ្វេសប្រហែសនោះទេ ដោយត្រូវអនុវត្តតាមវិធានការរបស់រាជរដ្ឋាភិបាល និងក្រសួងសុខាភិបាល ដោយត្រូវអនុវត្ត ៣កុំ ៣ការពារ ឱ្យបានគ្រប់គ្នាជាប់ជាប្រចាំ៕
អត្ថបទ៖ សៅ គ្រី
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល