១១ នាក់ស្លាប់ និង១២ នាក់បាត់ខ្លួន ក្នុងហេតុការណ៍បាក់ដីនៅ ឥណ្ឌូណេស៊ី

ភ្នាក់ងារគ្រប់គ្រងគ្រោះមហន្តរាយ ឥណ្ឌូណេស៊ី ចេញរបាយការណ៍កាលពីថ្ងៃសៅរ៍ទី១៥ ខែវិច្ឆិកា ថា ការរអិលបាក់ដីនៅលើកោះជ្វាកណ្ដាល បានឆក់យកជីវិតមនុស្សយ៉ាងហោចណាស់ ១១ នាក់ ខណៈដែលក្រុមអ្នកជួយសង្គ្រោះកំពុងតែប្រញាប់ប្រញាល់ស្វែងរកមនុស្ស ១២ នាក់ផ្សេងទៀត ដែលកំពុងតែបាត់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារព័ត៌មាន Antara ពីមុនបានរាយការណ៍ថា ការរអិលបាក់ដីនៅក្នុងទីក្រុង Cilacap កាលពីថ្ងៃព្រហស្បតិ៍ បានកប់ផ្ទះចំនួន១២ខ្នងនៅក្នុងភូមិ Cibeunying ដោយបន្ថែមថា ការជួយសង្គ្រោះគឺជាបញ្ហាប្រឈមមួយ ដោយសារមនុស្សត្រូវបានកប់ក្នុងជម្រៅពី៣ ទៅ ៨ ម៉ែត្រ (១០-២៥ ហ្វីត)។

អ្នកនាំពាក្យរបស់ទីភ្នាក់ងារ លោក Abdul Muhari បានប្រាប់សារព័ត៌មាន Reuters ថា ក្រុមអ្នកសង្រ្គោះបានរកឃើញសាកសពមនុស្សចំនួន ១១ នាក់ ដោយ៣នាក់កាលពីម្សិលមិញ និង៨នាក់ទៀតនៅថ្ងៃនេះ។ ចំណែកឯ មនុស្សចំនួន ១២នាក់ផ្សេងទៀត កំពុងតែបាតបាត់ខ្លួននូវឡើយ។

ទីភ្នាក់ងារអាកាសធាតុនិយាយថា រដូវវស្សានៅប្រទេសអាស៊ីអាគ្នេយ៍នេះ បានចាប់ផ្តើមនៅក្នុងខែកញ្ញា ហើយនឹងមានរយៈពេលរហូតដល់ខែមេសា ដែលនាំមកនូវហានិភ័យខ្ពស់នៃទឹកជំនន់ និងភ្លៀងធ្លាក់ខ្លាំង។ ការរអិលបាក់ដីមួយផ្សេងទៀតនៅក្នុងខែមករា ដែលបង្កឡើងដោយភ្លៀងធ្លាក់ខ្លាំងនៅក្នុងទីក្រុង Pekalongan នៃកោះជ្វាកណ្តាល បានសម្លាប់មនុស្សយ៉ាងហោចណាស់ ២៥ នាក់៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

រដ្ឋមន្ត្រីការបរទេសកូរ៉េខាងជើង ថ្កោលទោសសេចក្តីថ្លែងការណ៍ G7 លុបបំបាត់ «អាវុធនុយក្លេអ៊ែរ»