សន្តិសុខសង្គម
Update ៖ ករណីឆេះឃ្លាំងស្តុកអេតចាយនៅខណ្ឌដង្កោ ផ្ដើមចេញពីការផ្ទុះកំប៉ុងថ្នាំបាញ់មូស
អគ្គិភ័យឆាបឆេះឃ្លាំងស្តុកអេតចាយ ១ កន្លែង យ៉ាងសន្ធោសន្ធៅ ដោយមូលហេតុបណ្ដាលមកពីផ្ទុះកំប៉ុងថ្នាំបាញ់មូស។
ហេតុការណ៍អគ្គិភ័យនេះបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ចុះអន្តរាគមន៍ កាលពីវេលាម៉ោង ២ និង ៣០ នាទីរសៀល ថ្ងៃទី ១៧ ខែវិច្ឆិកា ឆ្នាំ ២០២៥ ស្ថិតនៅផ្លូវ ២១៧ សង្កាត់ជើងឯក ខណ្ឌដង្កោ រាជធានីភ្នំពេញ។
ម្ចាស់ទីតាំងឈ្មោះ អ៊ឹម សាវ៉ន ភេទស្រី អាយុ ៤២ ឆ្នាំ មុខរបរទិញ-លក់អេតចាយ។ ចំពោះឃ្លាំងដែលត្រូវបានអគ្គិភ័យឆាបឆេះនេះជាប្រភេទសំណង់ (រោងអេតចាយ) ក្នុងដីឡូត៍ ទំហំ ២០ ម៉ែត្រ x៥០ ម៉ែត្រ។
តាមប្រភពព័ត៌មានបានឲ្យដឹងថា មុនពលកើតហេតុគេបានឮសំឡេងផ្ទុះចេញពីខាងក្នុងឃ្លាំងនោះ និងបង្កជាអណ្ដាតភ្លើងឆាបឆេះយ៉ាងសន្ធោសន្ធៅ ដោយភ្លាមៗ នោះ ក៏រាយការណ៍ទៅសមត្ថកិច្ចមូលដ្ឋានទាក់ទងទៅជំនាញចុះមកអន្តរាគមន៍ភ្លាមៗ។
ក្រោយទទួលបានព័ត៌មានភ្លាមៗ អាជ្ញាធរមូលដ្ឋាន បានសហការជាមួយកម្លាំងការិយាល័យបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ ចុះអន្តរាគមន៍បាញ់ទឹកស្រោចឲ្យរលត់ទៅវិញ។
ហេតុការណ៍គ្រោះអគ្គិភ័យខាងលើនេះខូចខាតសម្ភារៈមួយចំនួនដូចជា ម៉ូតូចំនួន ១ គ្រឿង និងម៉ូតូរ៉ឺម៉ក ២ គ្រឿង។ ប្រើប្រាស់រថយន្តចំនួន ៣ គ្រឿង រួមមាន រថយន្តការិ.អគ្គីភ័យ ២ គ្រឿង រថយន្តជំនួយអន្តរាគមន៍ រថយន្តពន្លត់អគ្គិភ័យរបស់ក្រុមហ៊ុនស្រាបៀរកម្ពុជា ១ គ្រឿង ប្រើប្រាស់ទឹកសរុបចំនួន ២១ ម៉ែត្រគូប៕
អត្ថបទ ៖ សុខា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ