សេដ្ឋកិច្ច

កម្ពុជារកចំណូលបានជិត ១៥០ លានដុល្លារ ពីការនាំចេញផ្លែចេកស្រស់ កើនឡើង ២០%

បានផុស

៧ ខែ មុន

នៅ

ថ្ងៃពុធ ១៩ វិច្ឆិកា ២០២៥

ដោយ

គិតចាប់ពីខែមករា ដល់ខែតុលា ឆ្នាំ ២០២៥ កម្ពុជារកចំណូលបានចំនួនប្រមាណ ១៤៨ លានដុល្លារ ពីការនាំចេញផ្លែចេកស្រស់កើនឡើង ២០% ប្រៀបធៀបនឹងរយៈពេលដូចគ្នានៅឆ្នាំ ២០២៤ ដែលមាន ១២៣ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ហេង ដាវី ប្រធានគ្រប់គ្រងក្រុមហ៊ុន ឡុង ស្រេង ចម្ការចេកនៅក្នុងស្រុកស្ទឹងត្រង់បានប្រាប់សារព័ត៌មានថា បច្ចុប្បន្នមានទីផ្សារប្រទេសធំពីរដែលក្រុមហ៊ុនបាននាំចេញចេកគឺប្រទេសចិន និងជប៉ុន។

អ្នកស្រី ហេង ដាវី បញ្ជាក់ថា ក្នុងមួយថ្ងៃក្រុមហ៊ុនត្រូវកាប់ចេកចេញពីចម្ការពី ៦ ទៅ ៧ ពាន់ស្និតដើម្បីវេចខ្ចប់នាំចេញ ដែលមួយថ្ងៃយ៉ាងហោចណាស់មានពី ៣ កុងតឺន័រ និងអាចឈានដល់ ១០ កុងតឺន័រ នៅពេលមានតម្រូវការខ្ពស់ ដែលភាគច្រើននាំទៅទីផ្សារប្រទេសចិននិងជប៉ុន ខណៈទីផ្សារក្នុងស្រុកមានចំនួនតិចតួច។

លោក វ៉ា រុតសាន រដ្ឋលេខាធិការក្រសួងពាណិជ្ជកម្មបានថ្លែងថា ការនាំចេញក្នុងវិស័យកសិកម្ម មានការកើនឡើងនៅក្នុងរយៈពេល ១០ ខែ ឆ្នាំ ២០២៥ ខណៈកម្ពុជាកំពុងធ្វើពិពិធកម្មទីផ្សារនាំចេញទៅអន្តរជាតិ និងការធ្វើពិពិធកម្មមុខទំនិញកសិកម្មផ្សេងៗ។

នៅក្នុងឆ្នាំ ២០២៤ កម្ពុជារកចំណូលបានជាង ១៣៨ លានដុល្លារ ពីការនាំចេញចេកស្រស់ មានការធ្លាក់ចុះជាង ១១% ធៀបនឹងឆ្នាំ ២០២៣។

កម្ពុជាមានផ្ទៃដីដាំដុះចេកប្រមាណជាង ១៦ ពាន់ហិកតា និងផ្ទៃដីកំពុងប្រមូលផលជាង១១ពាន់ហិកតា ដោយក្នុងនោះខេត្តដែលមានដាំដុះចេកច្រើនជាងគេ រួមមានខេត្តរតនគិរី ក្រចេះ ស្ទឹងត្រែង កំពត កំពង់ចាម និងខេត្តកំពង់ស្ពឺ៕

អត្ថបទ៖ ឡេង ដេត

Related Topics:ចេកស្រស់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា