សេដ្ឋកិច្ច

កម្ពុជានាំចេញចេកស្រស់បានជាង ៦ ម៉ឺន ៧ ពាន់តោន ទៅទីផ្សារអន្តរជាតិ

បានផុស

១ year មុន

នៅ

ថ្ងៃពុធ ៣០ មេសា ២០២៥

ដោយ

នៅក្នុងត្រីមាសទី១ ឆ្នាំ ២០២៥ កម្ពុជានាំចេញផ្លែចេកស្រស់ចំនួន ៦៧ ៥១៣ តោន ទៅក្រៅប្រទេស ធ្លាក់ចុះជាង ១២ ភាគរយ ធៀបនឹងរយៈពេលដូចគ្នាកាលពីឆ្នាំ ២០២៤។ នេះបើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃឹម ហ្វីណង់ អ្នកនាំពាក្យក្រសួងកសិកម្មរុក្ខាប្រមាញ់ និងនេសាទបានឱ្យដឹងថា ការនាំចេញចេកស្រស់របស់កម្ពុជាទៅកាន់ទីផ្សារបរទេសមានការថយចុះដោយសារតែការប្រកួតប្រជែងជាមួយប្រទេសជិតខាង។

លោក ឃឹម ហ្វីណង់បានបញ្ជាក់ថា ការថយចុះនៃការនាំចេញចេកអំបូងលឿងកម្ពុជាទៅកាន់ទីផ្សារបរទេសនេះ ដោយលោកសង្កេតឃើញថា កម្ពុជារងការប្រកួតប្រជែងទីផ្សារពីប្រទេសវៀតណាម ដែលជាប្រទេសធ្វើផលិតកម្មចេកអំបូងលឿងនេះផងដែរ ជាពិសេសការប្រកួតប្រជែងខាងផ្នែកថ្លៃដើមផលិត។

យោងតាមក្រសួងពាណិជ្ជកម្ម កម្ពុជារកចំណូលបានជាង ១៣៨ លានដុល្លារ ពីការនាំចេញចេកស្រស់ នៅឆ្នាំ ២០២៤ ធ្លាក់ចុះជាង ១១% ធៀបនឹងឆ្នាំ ២០២៣។

កម្ពុជាមានផ្ទៃដីដាំដុះចេកប្រមាណជាង ១៦ ពាន់ហិកតា និងផ្ទៃដីកំពុងប្រមូលផលជាង១១ពាន់ហិកតា ដោយក្នុងនោះខេត្តដែលមានដាំដុះចេកច្រើនជាងគេ រួមមានខេត្តរតនគិរី ក្រចេះ ស្ទឹងត្រែង កំពត កំពង់ចាម កំពង់ស្ពឺជាដើម៕