កីឡា

សហព័ន្ធ Esports កម្ពុជាធ្វើកំណែទម្រង់ភាសា-បច្ចេកទេសកីឡារបស់ខ្លួន

បានផុស

៧ ខែ មុន

នៅ

ថ្ងៃចន្ទ ២៤ វិច្ឆិកា ២០២៥

ដោយ

សហព័ន្ធកីឡាអេឡិចត្រូនិកកម្ពុជា បានរៀបចំកិច្ចប្រជុំពិគ្រោះយោបល់ស្តីពី«កំណែទម្រង់ការផ្សព្វផ្សាយ និងការអត្ថាធិប្បាយលើកីឡាអេឡិចត្រូនិកកម្ពុជា» នៅសាលប្រជុំនៃគណៈកម្មាធិការជាតិអូឡាំពិកកម្ពុជា កាលពីថ្ងៃទី២២ ខែវិច្ឆិកា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំពិគ្រោះយោបល់ស្តីពី«កំណែទម្រង់ការផ្សព្វផ្សាយ និងការអត្ថាធិប្បាយលើកីឡាអេឡិចត្រូនិកកម្ពុជា»បើក លោកបណ្ឌិត ជា ច័ន្ទបរិបូណ៌ ប្រធានសហព័ន្ធកីឡាអេឡិចត្រូនិកកម្ពុជា លោក លន់ សាមឌី អគ្គលេខាធិការ លោកស្រី ប្រាក់ សម្ភស្ស ដែលជាពិធីការិនីផ្នែកកីឡាដ៏ល្បីល្បាញដែលមានបទពិសោធច្រើនឆ្នាំ ព្រមទាំងអគ្គលេខាធិការ និងអ្នកចូលរួមដែលបានចែករំលែកបទពិសោធ បច្ចេកទេស និងភាសាផ្លូវការក្នុងវិស័យកីឡា។

អ្នកចូលរួមប្រមាណ ៥០នាក់ដែលជាពិធីករ ពិធីការិនី អ្នកអត្ថាធិប្បាយ អ្នកគ្រប់គ្រង អ្នករៀបចំពីបណ្តាក្រុម ក្លិប កម្មវិធី និងអ្នកពាក់ព័ន្ធលើវិស័យកីឡាអេឡិចត្រូនិកកម្ពុជាសាទរចំពោះកំណែទម្រង់ក្នុងការប្រើប្រាស់ភាសាជាតិឲ្យបានច្រើនតាមដែលអាចទៅរួច។ អ្វីដែលពិសេសពួកគាត់បានសិក្សាស្វែងយល់ ចែករំលែក និងពិគ្រោះយោបល់គ្នាដើម្បីឈានឆ្ពោះទៅរកការប្រើប្រាស់ភាសាកីឡាផ្លូវការឲ្យកាន់តែប្រសើរឡើង។

លោក ជា ច័ន្ទបរិបូណ៌ ប្រធានសហព័ន្ធកីឡាអេឡិចត្រូនិកកម្ពុជាបានថ្លែងក្នុងពិធីបើកជាផ្លូវការតាមរយៈអនឡាញដោយសារឯកឧត្តមជាប់បំពេញភារកិច្ចនៅក្រៅប្រទេសថា កន្លងមកសហព័ន្ធកីឡាអេឡិចត្រូនិកកម្ពុជាបានរៀបចំសិក្ខាសាលាស្តីពីកីឡា Esports ដល់អ្នកសារព័ត៌មានជាច្រើនលើកដើម្បីឲ្យពួកគាត់យល់ថា តើអ្វីទៅជាកីឡាអេឡិចត្រូនិក។ នៅពេលពួកគាត់យល់ ពួកគាត់នឹងសរសេរបានត្រឹមត្រូវក្នុងការផ្សាយឲ្យមហាបានយល់។

លោកបានបន្តថា ឥឡូវនេះដល់ពេលត្រូវកំណែទម្រង់លើផ្នែកអត្ថាធិប្បាយដើម្បីឲ្យពួកគាត់កាន់តែល្អប្រសើរក្នុងការប្រើប្រាស់ភាសាកីឡាផ្លូវការឲ្យកាន់តែច្រើន។ «ពាក្យណាដែលយើងមិនគួរប្រើភាសាបរទេស ដែលភាសាយើងមាន គឺយើងគួរប្រើភាសាខ្មែរ។ ដូចជាពាក្យ Games យើងគួរតែផ្លាស់ប្តូរទៅជាពាក្យខ្មែរវិញ។ សហព័ន្ធបស់យើងគួរតែសរសេរ ចងក្រងពាក្យពេចន៍សំខាន់ៗពីភាសាអង់គ្លេសនៅក្នុងកីឡាអេឡិចត្រូនិក ជាភាសាខ្មែរ។ ចំណុចពិតជាសំខាន់ណាស់ដើម្បីអភិវឌ្ឍកីឡា Esports ឲ្យកាន់តែមានលក្ខណៈស្តង់ដាជាកីឡាអាជីព»។

ក្រោយពេលកិច្ចប្រជុំពិគ្រោះយោបល់ប្រើពេលជិត ៣ ម៉ោង អង្គពិធីទាំងមូលបានឯកភាពគ្នាក្នុងការប្រមូលចង់ក្រងនូវភាសា និងពាក្យបច្ចេកទេសដើម្បីដាក់ជូនលោកបណ្ឌិតជាប្រធានសហព័ន្ធដើម្បីសម្រេច ហើយនឹងត្រូវចែកចាយដល់ ពិធីករ ពិធីការិនី អ្នកអត្ថាធិប្បាយ អ្នកគ្រប់គ្រង អ្នករៀបចំពីបណ្តាក្រុម ក្លិប កម្មវិធី និងអ្នកពាក់ព័ន្ធលើវិស័យកីឡាអេឡិចត្រូនិកកម្ពុជាដើម្បីរួមគ្នាអភិវឌ្ឍឲ្យកាន់តែមានកម្រិតស្តង់ដា និងកីឡាកាន់តែអាជីពពិតប្រាកដ៕

អត្ថបទ៖ វីរបុត្រ

Related Topics:កីឡាអេឡិចត្រូនិក

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា