ព័ត៌មានជាតិ
ពិធីចុះអនុស្សរណៈ នៃការយោគយល់ រវាង ក្រុមហ៊ុនមេធាវី រ៉ូយ៉ាល់ និងសហភាពសហព័ន្ធយុវជនកម្ពុជារាជធានីភ្នំពេញ
ក្រុមហ៊ុនមេធាវី រ៉ូយ៉ាល់ និងសហភាពសហព័ន្ធយុវជនកម្ពុជា បានបង្កើតកិច្ចសហប្រតិបត្តិការជាផ្លូវការតាមរយៈការចុះអនុស្សរណៈ នៃការយោគយល់គ្នា នាព្រឹកថ្ងៃទី ២៧ ខែវិច្ឆិកា ឆ្នាំ ២០២៥ ក្នុងការផ្ដល់សេវាកម្មផ្នែកច្បាប់ ដោះស្រាយវិវាទ ប្រឹក្សាយោបល់ផ្នែកច្បាប់ និងការចូលរួមការការពារក្ដីជូនដល់សមាជិក ស.ស.យ.ក រាជធានីភ្នំពេញ ក្រោមអធិបតីភាព លោក គង់ ច័ន្ទវាសនា អនុប្រធានសហភាពសហព័ន្ធយុវជនកម្ពុជា រាជធានីភ្នំពេញ តំណាងដ៏ខ្ពង់ខ្ពស់ លោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានសហភាពសហព័ន្ធយុវជនកម្ពុជា រាជធានីភ្នំពេញ។
នាឱកាសនោះ លោកបណ្ឌិត ហៀង មករា ប្រធានក្រុមហ៊ុនមេធាវី រ៉ូយ៉ាល់ បានលើកឡើងថា កន្លងមក ក្រុមហ៊ុនមេធាវី បានចូលរួមចំណែកលើសកម្មភាពជាច្រើនរួមមាន ការបណ្តុះបណ្តាល និងប្រឹក្សាយោបល់ច្បាប់ តាមរយៈកម្មវិធីច្បាប់ និងយុត្តិធម៌ ព្រមទាំងការស្ម័គ្រចិត្តចូលរួមជាមួយក្រសួងរៀបចំដែនដី នគរូបនីយកម្ម និងសំណង់ ក្នុងការដោះស្រាយវិវាទ និងតាក់តែងលិខិតស្នាមនានាផងដែរ។ ការចុះអនុស្សរណៈនេះ ជាជំហានថ្មីមួយទៀត ក្នុងគោលបំណងជំរុញកិច្ចសហការគ្រប់ជ្រុងជ្រោយរវាង ស.ស.យ.ក រាជធានីភ្នំពេញ និងក្រុមហ៊ុនមេធាវី រ៉ូយ៉ាល់។
អនុស្សរណៈ នៃការយោគយល់នេះ មានខ្លឹមសារ និងគោលបំណងច្បាស់លាស់ក្នុងការបង្កើនកិច្ចសហប្រតិបត្តិការរវាង ស.ស.យ.ក រាជធានីភ្នំពេញ និងក្រុមហ៊ុនមេធាវី រ៉ូយ៉ាល់ ដោយផ្សារភ្ជាប់ ការបណ្ដុះបណ្ដាល ជំនាញផ្នែកច្បាប់ ជាមួយនឹងបេសកកម្មអភិវឌ្ឍន៍យុវជនស្របតាមគោលនយោបាយរបស់រាជរដ្ឋាភិបាល។ នេះជាបំណងរួមគ្នាជាចាំបាច់សម្រាប់ជាឧត្ដមប្រយោជន៍ដល់យុវជនងាយរងគ្រោះ ឬដល់គម្រោងគាំពារសង្គមរបស់ ស.ស.យ.ក រាជធានីភ្នំពេញ ថែមទាំងចូលរួមផ្សព្វផ្សាយច្បាប់សំខាន់ៗ ដើម្បីលើកកម្ពស់ចំណេះដឹងផ្នែកច្បាប់ និងការអនុវត្តនីតិរដ្ឋក្នុងសង្គម៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ