Intel ប្ដេជ្ញាបន្ថែមការវិនិយោគជាង ២០០ លានដុល្លារ នៅម៉ាឡេស៊ី

នាយករដ្ឋមន្ត្រីម៉ាឡេស៊ី លោក​ អាន់វ៉ា អ៊ីប្រាហ៊ីម ក្រុមហ៊ុនផលិតបន្ទះឈីប Intel Corp នឹងវិនិយោគបន្ថែមចំនួន ៨៦០ លានរីងហ្គីត (២០៨ លានដុល្លារអាមេរិក) ដើម្បីធ្វើឱ្យ​ម៉ាឡេស៊ីក្លាយជាមជ្ឈមណ្ឌលប្រតិបត្តិការផ្គុំ និងសាកល្បងផលិតផលរបស់ខ្លួន ដែល​នឹងជួយជំរុញដល់តួនាទី​ម៉ាឡេស៊ីក្នុងខ្សែច្រវ៉ាក់ផ្គត់ផ្គង់​បន្ទះឈីប​សកល​។

លោក អាន់់វ៉ា បានបង្ហោះសារលើបណ្ដាញសង្គម Facebook របស់លោក កាលពីថ្ងៃចន្ទថា ​ក្រុមហ៊ុន​អាមេរិក​ Intel បានធ្វើការសន្យានេះក្នុងអំឡុងពេលកិច្ចប្រជុំរវាងលោក និងលោក Lip-Bu Tan នាយកប្រតិបត្តិក្រុមហ៊ុនកាលពីថ្ងៃចន្ទ។ លោកបានបន្ថែមថា ក្រុមហ៊ុន Intel បានប្ដេជ្ញាបន្ថែម​ការវិនិយោគ​ដោយសារតែក្រុមហ៊ុន​មាន​ទំនុកចិត្ត​លើផែនការរយៈពេលវែងរបស់​ម៉ាឡេស៊ី។

លោក អាន់វ៉ា បានសរសេរបន្តថា ក្រុមហ៊ុន Intel ​ដំណើរការនៅ​ម៉ាឡេស៊ីរួចហើយ ជាមួយនឹងរោងចក្រវេចខ្ចប់ទំនើបមួយ​កន្លែង​តម្លៃ ១២ ​ប៊ីលានរីងហ្គីតនៅរដ្ឋ Penang ដែល​សាងសង់បាន ៩៩% ហើយ​។ ​កាលពីឆ្នាំ ២០២១ ក្រុមហ៊ុនក៏បានសន្យា​វិនិយោគ ៧ ប៊ីលានដុល្លារ​។

​គួរគូសបញ្ជាក់ថា ម៉ាឡេស៊ី​រួមចំណែកប្រហែល ១៣% នៃការវេចខ្ចប់ ការដំឡើង និងការធ្វើតេស្តបន្ទះឈីបរបស់ពិភពលោក។ បច្ចុប្បន្ន ម៉ាឡេស៊ីកំពុងខិតខំពង្រឹងតួនាទីរបស់ខ្លួន​ក្នុងខ្សែ​ច្រវ៉៉ាក់ផ្គត់ផ្គង់សកល ខណៈដែលប្រទេសធំៗប្រកួតប្រជែងគ្នាដើម្បីពង្រីកឧស្សាហកម្ម​បន្ទះឈីបរបស់ពួកគេ៕