ព័ត៌មានជាតិ

រដ្ឋមន្ត្រីទេសចរណ៍ស្នើក្រុមចម្រៀងកូរ៉េមួយជួយបង្ហាញពីរឿងល្អៗនៅកម្ពុជាដល់ប្រជាជនកូរ៉េខាងត្បូង

បានផុស

៥ ខែ មុន

នៅ

ថ្ងៃសៅរ៍ ២៧ ធ្នូ ២០២៥

ដោយ

រដ្ឋមន្ត្រីទេសចរណ៍លោក ហួត ហាក់ បានស្នើដល់ក្រុមចម្រៀងបុរសនៃប្រទេសកូរ៉េខាងត្បូង N-CHIVE ឱ្យជួយផ្សព្វផ្សាយពីសភាពការណ៍ពិត និងរឿងល្អនៅកម្ពុជាទៅដល់ប្រជាជនកូរ៉េ និងពិភពលោក ក្នុងពេលដែលក្រុមចម្រៀងនេះបានមកកម្ពុជា និងគ្រោងរៀបចំតន្រ្តីទេសចរណ៍មួយផងដែរនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបកាលពីថ្ងៃទី២៦ ខែធ្នូ នៅទីស្ដីការក្រសួងទេសចរណ៍ លោក ហួត ហាក់ បានលើកឡើងដោយបានគាំទ្រចំពោះគម្រោងរៀបចំតន្ត្រីទេសចរណ៍របស់ក្រុម N-CHIVE នៅកម្ពុជា ដោយថាការនេះនឹងធ្វើឱ្យពួកគេបានស្វែងយល់ច្បាស់ និងទុកចិត្តលើស្ថានភាពនយោបាយ សេដ្ឋកិច្ច សន្តិសុខសង្គម និងសណ្តាប់ធ្នាប់សាធារណៈដែលកម្ពុជាមាននាពេលបច្ចុប្បន្ន ក៏ដូចជាការធានានូវសុខសុវត្ថិភាពជូនដល់អ្នកទេសចរ និងវិនិយោគិនអន្តរជាតិរបស់រាជរដ្ឋាភិបាលកម្ពុជា។

លោកក៏ស្នើសុំដល់ក្រុមតន្ត្រីកូរ៉េនេះ ជួយផ្សព្វផ្សាយពីសភាពការណ៍សន្តិសុខ សុខសុវត្ថិភាព សកម្មភាពសង្គមជាប្រក្រតី សក្តានុពលទេសចរណ៍ និងបដិសណ្ឋារកិច្ចដ៏រួសរាយ និងរាក់ទាក់របស់ប្រជាជនកម្ពុជាដល់ប្រជាជនកូរ៉េ និងពិភពលោកផងដែរ។

តំណាងក្រុមហ៊ុន K’VE Entertainment ដែលដឹកនាំក្រុម N-CHIVE លោកស្រី Na Yunjung បានបញ្ជាក់ថាការរៀបចំតន្ត្រីទេសចរណ៍របស់ក្រុមហ៊ុនលោកស្រីគឺចង់ចែករំលែកនូវក្ដីស្រលាញ់ និងសាមគ្គីភាពពីប្រជាជនកូរ៉េនៅកម្ពុជា និងរួមចំណែកផ្សព្វផ្សាយសក្តានុពលទេសចរណ៍របស់ប្រទេសកម្ពុជាទៅដល់ប្រជាជនកូរ៉េ និងពិភពលោកទាំងមូល ព្រមទាំងការចូលរូមជំរុញវិស័យទេសចរណ៍របស់កម្ពុជាតាមរយៈសិល្បៈតន្រ្តី។

លោកស្រីថាមូលហេតុរបស់ខ្លួនដែលជ្រើសរើសមកប្រទេសកម្ពុជា គឺដោយសារតែមានទំនុកចិត្តលើការផ្តល់នូវសុខសុវត្ថិភាព និងសន្តិសុខដល់ភ្ញៀវទេសចរអន្តរជាតិដោយរាជរដ្ឋាភិបាលកម្ពជា ព្រមទាំងបទពិសោធនៃបដិសណ្ឋារកិច្ចដ៏កក់ក្តៅ និងរួសរាយរាក់ទាក់របស់ប្រជាពលរដ្ឋខ្មែរ ពិសេសគឺសក្តានុពលទេសចរណ៍ដ៏សម្បូរបែបរបស់ប្រទេសកម្ពុជា ភាពរស់រវើក និងទាក់ទាញនៃគោលដៅទេសចរណ៍កម្ពុជានីមួយៗ ដែលសមាជិកក្រុមបានទទួលនូវបទពិសោធដ៏ល្អ និងមិនអាចបំភ្លេច ក្នុងដំណើរសម្តែងរបស់ខ្លួននាឆ្នាំកន្លងមក។

ប្រទេសកូរ៉េបានដាក់តំបន់ខ្លះនៃកម្ពុជាជាតំបន់ហាមប្រាប់កម្រិតខ្ពស់សម្រាប់ជនជាតិកូរ៉េមកទេសចរណ៍បន្ទាប់ពីរឿងរ៉ាវនៃការស្លាប់របស់និស្សិតកូរ៉េខាងត្បូងម្នាក់ដោយសារអំពើឆបោកតាមអនឡាញ នៅបូកគោ ខេត្តកំពតត្រូវបានផ្សព្វផ្សាយយ៉ាងផុលផុសកាលពីខែតុលាកន្លងទៅ។ ប្រធានាធិបតីកូរ៉េលោក Lee Jae Myung បានជួបជាមួយនាយករដ្ឋមន្ត្រី សម្ដេចធិបតី ហ៊ុន ម៉ាណែត កាលពីថ្ងៃទី២៧ ខែតុលា ដោយនៅពេលនោះភាគីទាំងពីរបានសម្រេចឱ្យមានការបង្កើតក្រុមការងារចម្រុះកម្ពុជា-កូរ៉េមួយ ដើម្បីប្រឆាំងបទល្មើសឆបោកអនឡាញ ហើយក្រុមការងារនេះនឹងចាប់ផ្ដើមនៅក្នុងខែវិច្ឆិកា ឆ្នាំ២០២៥៕

អត្ថបទដោយ ហ៊ុន សិរីវឌ្ឍន៍

Related Topics:ក្រសួងទេសចរណ៍ឧក្រិដ្ឋកម្មតាមអនឡាញ

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា