ម៉ោង២ជាងយប់មិញ អគ្គិភ័យឆេះផ្ទះមួយពលរដ្ឋមួយកន្លែងនៅខណ្ឌមានជ័យ

ផ្ទះប្រជាបលរដ្ឋពលរដ្ឋមួយកន្លែងត្រូវបានអគ្គិភ័យឆាបឆេះអស់់សម្ភារៈមួយចំនួន ខណៈកម្លាំងសមត្ថកិច្ចជំនាញប្រើប្រាស់រថយន្ដពន្លត់អគ្គិភ័យ៦គ្រឿងដើម្បីអន្តរាគមន៍។

តាមរបាយការណ៍របស់ស្នងការដ្ឋាននគរបាលរាជធានីភ្នំពេញ ករណីអគ្គិភ័យនេះ បានកើតឡើងកាលវេលាម៉ោង​២និង៣០នាទី រំលងអាធ្រាត្រ ឈានចូលថ្ងៃទី៨ ខែមករា ឆ្នាំ២០២៦ នៅចំណុចផ្ទះគ្មានលេខ ផ្លូវបេតុង ភូមិព្រែកទាល់ទី១ សង្កាត់ស្ទឹងមានជ័យទី២ ខណ្ឌមានជ័យ។

បើតាមរបាយការណ៍ដដែល ហេតុការណ៍​អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនី និងធ្វើឱ្យឆេះខូចខាតផ្នែកជាន់លើ រួមមានម៉ាស៊ីនបោកខោអាវ ម៉ូតូ១គ្រឿង កង្ហា ពួកគ្រែ ខោអាវ។

ក្នុងប្រតិបត្តិការអន្តរាគមន៍ កម្លាំងជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រើប្រាស់រថយន្ដពន្លត់អគ្គិភ័យចំនួន៦គ្រឿង ប្រេីប្រាស់ទឹកអស់ចំនួន៤ឡាន ស្មើនឹង២៤ម៉ែត្រគូប និងរថយន្តពន្លត់អគ្គិភ័យស្រាបៀរកម្ពុជាចំនួន១គ្រឿង ប្រើប្រាស់ទឹកអស់ ចំនួន ១ឡាន ស្មើនឹង៦ម៉ែត្រគូប ទើបគ្រប់គ្រងស្ថានការបានទាំងស្រុង៕