ព័ត៌មានជាតិ

អាជ្ញាធរដាក់កម្លាំងល្បាតតាមភូមិនៅតំបន់ក្រហម ឃ្លាំមើលអ្នកចេញពីផ្ទះ និងជួបជុំផឹកស៊ី

បានផុស

៥ years មុន

នៅ

ថ្ងៃអង្គារ ២០ មេសា ២០២១

ដោយ

វិធានការណ៍ដ៏ក្តៅគគុកត្រូវបានអនុវត្តទៅលើតំបន់បិទខ្ទប់ពិសេសតំបន់(ក្រហម)ក្នុងភូមិសាស្ត្រខណ្ឌមានជ័យ រាជធានីភ្នំពេញ។

ជាក់ស្តែងនៅថ្ងៃទី២០ ខែមេសានេះ អាជ្ញាធរសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ សហការណ៍ជាមួយកម្លាំងនគរបាលតម្រួតបទបញ្ជារបានចុះល្បាតតាមខ្នងផ្ទះ ដើម្បីទប់ស្កាត់មិនឲ្យប្រជាពលរដ្ឋចេញពីផ្ទះ ព្រោះជាតំបន់ក្រហមដែលជាទីកន្លែងដែលជំងឺកូវីដ១៩កំពុងឆ្លងរាលដាលពេញបន្ទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានឲ្យដឹងថា ថ្ងៃនេះអាជ្ញាធរសង្កាត់រួមទាំងកម្លាំងគណៈបញ្ជាការឯកភាពខណ្ឌមានជ័យ បានសហការណ៍ជាមួយកម្លាំងនគរបាលតម្រួតបទបញ្ជារបានចុះល្បាតតាមបណ្តាភូមិក្នុងមូលដ្ឋានសង្កាត់ដើម្បីមានវិធានការណ៍ទៅលើអ្នកចេញពីផ្ទះដោយគ្មានមូលហេតុ ពិសេសអ្នកជួបជុំផឹកស៊ី។

លោកចៅសង្កាត់រងបន្តថា ក្នុងពេលចេញល្បាតនាថ្ងៃនេះ គឺពុំបានឃើញបងប្អូនប្រជាពលរដ្ឋណាម្នាក់ចេញដើរពីផ្ទះឡើយ។ ដូច្នេះអាជ្ញាធរមានសង្ឃឹមជឿជាក់ទៅលើបងប្អូនប្រជាពលរដ្ឋថា លោកនឹងចូលរួមគោរពតាមសេចក្តីណែនាំពីសាលារាជធានីភ្នំពេញ ដើម្បីទប់ស្កាត់កុំឲ្យជំងឺកូវីដ១៩នេះឆ្លងរាលដាលបន្ថែមទៀត។

លោក សេង វ៉ាន់ថា បានបញ្ជាក់ទៀតថា បើសិនជាកម្លាំងល្បាតប្រទះឃើញបងប្អូនប្រជាពលរដ្ឋណានៅបន្តរឹងរូសមិនស្តាប់តាមការណែនាំរបស់សាលារាជធានីភ្នំពេញនោះ គឺកម្លាំងចម្រុះនឹងធ្វើការឃាត់ខ្លួនរួចរៀបចំកសាងសំណុំរឿងបញ្ជូនទៅតុលាការដោយមិនលើកលែងឡើយ។ ដូច្នេះសូមបងប្អូនប្រជាពលរដ្ឋបើពុំចាំបាច់សូមកុំចេញពីផ្ទះមួយទៅផ្ទះមួយឲ្យសោះ៕

អត្ថបទ ៖ នរា

Related Topics:កូវីដ-១៩ ការរឹតត្បិត

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា