ព័ត៌មានអន្ដរជាតិ

លោក Walz ទាមទារឱ្យរដ្ឋបាលត្រាំ ដកមន្ត្រីអន្តោប្រវេសន៍៣០០០នាក់ ចេញពីរដ្ឋ Minnesota

បានផុស

៤ ខែ មុន

នៅ

ថ្ងៃចន្ទ ២៦ មករា ២០២៦

ដោយ

អភិបាលរដ្ឋ Minnesota លោក Tim Walz ទាមទារឱ្យប្រធានាធិបតីអាមេរិក លោក ដូណាល់ ត្រាំ ដកភ្នាក់ងារអន្តោប្រវេសន៍សហព័ន្ធ «ដែលមិនបានទទួលការបណ្តុះបណ្តាល» ចេញពីរដ្ឋដែលខ្លួនគ្រប់គ្រង បន្ទាប់ពីការបាញ់សម្លាប់បាតុករ នៅ Minneapolis ដែលជាការសម្លាប់លើកទីពីរនៅក្នុងទីក្រុង ចំពេលមានការបង្ក្រាបជនអន្តោប្រវេសន៍កំពុងបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Al Jazeera, ដូចដែលមានការអំពាវនាវឱ្យមានការស៊ើបអង្កេតឯករាជ្យ លើការសម្លាប់ លោក Alex Pretti ដែលជាគិលានុបដ្ឋាយិកា ICU អាយុ ៣៧ ឆ្នាំ, លោក Walz បានសួរសំណួរដោយផ្ទាល់ទៅកាន់លោក ត្រាំ ក្នុងអំឡុងពេលសន្និសីទសារព័ត៌មានកាលពីថ្ងៃអាទិត្យ ថា៖«តើលោកមានផែនការអីឱ្យប្រាកដ? តើវាជាផែនការអីទៅ?»។

លោក Walz បន្តទៀតថា៖«តើយើងត្រូវធ្វើអ្វីដើម្បីឱ្យភ្នាក់ងារសហព័ន្ធអន្តោប្រវេសន៍ទាំងនេះចេញពីរដ្ឋរបស់យើង? តើអ្នកគិតថា ភាពភ័យខ្លាច អំពើហិង្សា និងភាពចលាចលគឺជាអ្វីដែលអ្នកចង់បានពីយើងមែនទេ? បើដូច្នេះមែន អ្នកមើលស្រាលប្រជាជននៃរដ្ឋ និងប្រទេសជាតិនេះយ៉ាងច្បាស់»។

លោក បានបន្ថែមទៀតថា៖«យើងជឿជាក់លើច្បាប់ និងសណ្តាប់ធ្នាប់នៅក្នុងរដ្ឋនេះ។ យើងជឿជាក់លើសន្តិភាព ហើយយើងជឿថា លោក ដូណាល់ ត្រាំ ត្រូវតែបណ្តេញភ្នាក់ងារមិនបានបណ្តុះបណ្តាល ទាំង៣ ០០០ នាក់នេះ ចេញពីរដ្ឋ Minnesota មុននឹងពួកគេសម្លាប់មនុស្សបន្តទៀត»។

ការអត្ថាធិប្បាយរបស់ លោក Walz បានធ្វើឡើង បន្ទាប់ពីមន្ត្រីរដ្ឋបាលជាន់ខ្ពស់របស់លោក ដូណាល់ ត្រាំ ការពារការសម្លាប់របស់ Pretti ទោះបីជាមានភស្តុតាងក្នុងវីដេអូ បង្ហាញផ្ទុយពីគណនីរបស់ពួកគេក៏ដោយ។

ភ្នាក់ងារអន្តោប្រវេសន៍សហព័ន្ធបានបាញ់សម្លាប់ លោក Pretti កាលពីថ្ងៃសៅរ៍ ខណៈដែលការប៉ះទង្គិចគ្នា នៅលើផ្លូវទឹកកកក្នុងទីក្រុង Minneapolis តិចជាងបីសប្តាហ៍បន្ទាប់ពីមន្រ្តីអន្តោប្រវេសន៍បានបាញ់សម្លាប់ Renee Good ដែលជាម្តាយអាយុ ៣៧ឆ្នាំ និងជាពលរដ្ឋអាមេរិក។

មន្ត្រីរបស់រដ្ឋបាល ដូណាល់ ត្រាំ បានអះអាងថា លោក Pretti មានបំណងធ្វើបាបភ្នាក់ងារខ្លួន ដូចដែលពួកគេបានធ្វើ បន្ទាប់ពីការស្លាប់របស់លោក ស្រី Good ដោយចង្អុលទៅកាំភ្លើងខ្លីមួយ ដែលបានរកឃើញដោយមនុស្សរបស់លោក៕

ប្រែសម្រួល៖ ណឺ មិនា

Related Topics:Featured សហរដ្ឋអាមេរិក អន្តោប្រវេសន៍

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា