ព័ត៌មានអន្ដរជាតិ

UN សំដែងក្តីកង្វល់កាន់តែខ្លាំងចំពោះវិបត្តិថាមពលកាន់តែអាក្រក់នៅគុយបា

បានផុស

៤ ខែ មុន

នៅ

ថ្ងៃព្រហស្បតិ៍ ៥ កុម្ភៈ ២០២៦

ដោយ

អគ្គលេខាធិការអង្គការសហប្រជាជាតិ(UN) លោក Antonio Guterres បានព្រមាន ចំពោះការដួលរលំផ្នែកមនុស្សធម៌នៅក្នុងប្រទេសគុយបា ប្រសិនបើតម្រូវការថាមពលរបស់នេះមិនអាចផ្តល់ឲ្យគ្រប់គ្រាន់ បន្ទាប់ពីសហរដ្ឋអាមេរិកបានផ្លាស់ប្តូរគំនិតរារាំងការនាំចូលប្រេងទាំងអស់ ទៅដល់ប្រទេសក្នុងដែនកោះការ៉ាប៊ីន [Caribbean] និងបានគំរាមយកពន្ធលើប្រទេសណាមួយដែលជួយគុយបា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះផ្សាយរបស់ Al Jazeera នៅថ្ងៃព្រហស្បតិ៍នេះឱ្យដឹងថា ការព្រមាននេះបានធ្វើឡើងកាលពីថ្ងៃពុធ ចំពេលប្រទេសគុយបាខ្វះខាតប្រេងឥន្ធនៈធ្ងន់ធ្ងរ នាំឱ្យមានការដាច់ភ្លើងជាច្រើនម៉ោង សូម្បីតែនៅក្នុងរដ្ឋធានី Havana ក៏ដូចជាតម្លៃម្ហូបអាហារមានការកើនឡើង និងការដឹកជញ្ជូនជាដើម។

លោក Stephane Dujarric អ្នកនាំពាក្យរបស់ អង្គការសហប្រជាជាតិ បានប្រាប់អ្នកសារព័ត៌មាននៅទីក្រុងញូវយ៉កថា៖ «ប្រធានអង្គការសហប្រជាជាតិមានការព្រួយបារម្ភយ៉ាងខ្លាំង ពីស្ថានភាពមនុស្សធម៌នៅប្រទេសគុយបា ដែលកាន់តែអាក្រក់ទៅៗ ប្រសិនបើមិនអាចឆ្លើយតបគ្រប់គ្រាន់ចំពោះតម្រូវការប្រេងរបស់ប្រទេសនេះ»។

លោក Dujarric បានលើកឡើងទៀតថា៖ «អស់រយៈពេលជាង ៣ទសវត្សរ៍មកហើយ ដែលមហាសន្និបាតអង្គការសហប្រជាជាតិ បានអំពាវនាវជាបន្តបន្ទាប់ ឱ្យបញ្ចប់ការហាមប្រាមពាណិជ្ជកម្មដែលដាក់ដោយសហរដ្ឋអាមេរិកលើប្រទេសគុយបា។ អគ្គលេខាធិការជំរុញឱ្យភាគីទាំងអស់បន្តការពិភាក្សា និងគោរពច្បាប់អន្តរជាតិ»។

គួរបញ្ជាក់ថា សហរដ្ឋអាមេរិក និងគុយបា គឺជាសត្រូវនឹងគ្នាចាប់តាំងពីបដិវត្តគុយបាឆ្នាំ ១៩៥៩ នៅពេលដែល លោក Fidel Castro ឡើងកាន់អំណាច ហើយរដ្ឋាភិបាលសង្គមនិយមរបស់គាត់បានធ្វើជាតូបនីយកម្មអាជីវកម្ម គ្រប់គ្រងដោយសហរដ្ឋអាមេរិក។

ចំណែកទីក្រុងវ៉ាស៊ីនតោនបានឆ្លើយតបជាមួយនឹងទណ្ឌកម្មសេដ្ឋកិច្ចដែលត្រូវបានរឹតបន្តឹងទៅក្នុងប្រទេសគុយបាទាំងស្រុងនៅឆ្នាំ១៩៦២ ។

ទន្ទឹមនឹងនោះ ស្ថានទូតអាមេរិកប្រចាំប្រទេសគុយបាព្រមានពលរដ្ឋអាមេរិកក្នុងប្រទេសគុយបាកាលពីថ្ងៃអង្គារ ឱ្យត្រៀមខ្លួន និងប្រុងប្រយ័ត្ន ពីការដាច់ចរន្តអគ្គិសនី និងកង្វះប្រេងឥន្ធនៈ។

ចំណែក អនុរដ្ឋមន្ត្រីការបរទេសគុយបា លោក Carlos Fernandez de Cossio បានប្រាប់ទីភ្នាក់ងារសារព័ត៌មានរ៉យទ័រកាលពីថ្ងៃចន្ទថា ប្រទេសគុយបា និងសហរដ្ឋអាមេរិកកំពុងពិភាក្សាគ្នា បើទោះបីជាការផ្លាស់ប្តូរមិនបានវិវត្តទៅជាកិច្ចសន្ទនាផ្លូវការក៏ដោយ៕

ប្រែសម្រួល៖ ណឺ មិនា

Related Topics:ប្រទេសគុយបា Featured អង្គការសហប្រជាជាតិ (UN)

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា