ព័ត៌មានអន្ដរជាតិ

អង់គ្លេសប្តេជ្ញាចិត្តបញ្ជូនកងកម្លាំងចូលរួមបេសកកម្ម NATO នៅតំបន់អាក់ទិក

បានផុស

៤ ខែ មុន

នៅ

ថ្ងៃពុធ ១១ កុម្ភៈ ២០២៦

ដោយ

កងកម្លាំងប្រដាប់អាវុធអង់គ្លេសនឹងដើរតួយ៉ាងសំខាន់ក្នុងបេសកកម្មនៅតំបន់អាក់ទិក (Arctic Sentry) របស់អង្គការណាតូ (NATO) ស្របពេលដែលប្រទេសអង់គ្លេស បានសន្យាថានឹងបង្កើនចំនួនទាហានទ្វេដងរហូតដល់ ២ ០០០ នាក់ក្នុងរយៈពេលបីឆ្នាំ។ នេះបើតាមរដ្ឋមន្ត្រីការពារជាតិ លោក John Healey ថ្លែងក្នុងដំណើរទស្សនកិច្ចទៅកាន់ប្រទេសន័រវេសថ្ងៃពុធនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេសកកម្មនេះ មានគោលបំណងពង្រឹងសន្តិសុខនៅក្នុងតំបន់អាក់ទិក រួមទាំង Greenland ផងដែរ បន្ទាប់ពីប្រធានាធិបតីអាមេរិក លោក ដូណាល់ ត្រាំ ថ្លែងម្តងហើយម្តងទៀតថា លោកចង់ទិញយកកោះនេះ។ យ៉ាងណាមិញ Greenland ជាទឹកដីស្វយ័តរបស់ដាណឺម៉ាក និងជាសមាជិកណាតូ។

លោក Healey បានលើកឡើងក្នុងសេចក្តីថ្លែងការណ៍ថា៖«តម្រូវការលើវិស័យការពារជាតិកំពុងកើនឡើង ហើយរុស្ស៊ីជាអ្នកគំរាមកំហែងដ៏ធំបំផុតក្នុងតំបន់អាក់ទិក និងសន្តិសុខខាងជើងនៃតំបន់ ដែលយើងមើលឃើញចាប់តាំងពីសង្គ្រាមត្រជាក់»។

លោក Healey នឹងពិភាក្សាពីសំណើសម្រាប់បេសកកម្ម ជាមួយសមភាគីរបស់ខ្លួន ឯទីស្នាក់ការកណ្តាលរបស់អង្គការណាតូ ក្នុងទីក្រុងព្រុចសែល នៅថ្ងៃព្រហស្បតិ៍។

គួរបញ្ចាក់ថា កិច្ចប្រជុំនេះនឹងធ្វើឡើងប្រឆាំងនឹងការចោទប្រកាន់របស់លោក ដូណាល់ ត្រាំ ថាសម្ព័ន្ធមិត្តអឺរ៉ុបបានបរាជ័យក្នុងការធានាភាពត្រឹមត្រូវរបស់ Greenland ប្រឆាំងនឹងរុស្ស៊ី ឬប្រទេសចិន។

លោកបន្ថែមថា៖ «យើងឃើញប្រធានាធិបតីរុស្ស៊ី លោក វ្ល៉ាឌីមៀរ ពូទីន បង្កើតក្រុមយោធាយ៉ាងរហ័សនៅក្នុងតំបន់ រួមទាំងការបើកមូលដ្ឋានសង្រ្គាមត្រជាក់ចាស់ឡើងវិញទៀតផង»។

លើសពីនេះ រដ្ឋាភិបាលអង់គ្លេសបានប្តេជ្ញាចិត្តចំណាយលើវិស័យការពារជាតិយ៉ាងធំ ចាប់តាំងពីការបញ្ចប់នៃសង្គ្រាមត្រជាក់ បន្ទាប់ពីការដាក់សម្ពាធរបស់ លោក ដូណាល់ ត្រាំ លើទ្វីបអឺរ៉ុប ឱ្យបន្ថែមសមត្ថភាពធានាការពារដល់ទ្វីបនេះ។

ចំណែក ការផ្លាស់ប្តូរនេះកើតឡើងពេលដែលសម្ព័ន្ធសន្តិសុខនៃកងកម្លាំងបេសកកម្មរួម ដែលដឹកនាំដោយចក្រភពអង់គ្លេស គ្រោងនឹងធ្វើសកម្មភាពយោធាសំខាន់ៗនៅក្នុងតំបន់ភាគខាងជើង។ ក្នុងនោះមានកងកម្លាំងរាប់រយនាក់ បានដាក់ពង្រាយនៅទូទាំងអ៊ីស្លង់(Iceland) ច្រកសមុទ្រដាណឺម៉ាក និងន័រវែស ក្នុងសមយុទ្ធមួយដែលគ្រោងធ្វើឡើងនៅខែកញ្ញា៕

ប្រែសម្រួល៖ ណឺ មិនា

Related Topics:Featured តំបន់អាក់ទិក ចក្រភពអង់គ្លេស

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា