ព័ត៌មានអន្ដរជាតិ

មានការរកឃើញថា អង់គ្លេសផ្តល់អាជ្ញាប័ណ្ណថ្មី នាំចេញឧបករណ៍យោធាដល់អ៊ីស្រាអែល

បានផុស

៤ សប្តាហ៍ មុន

នៅ

ថ្ងៃសៅរ៍ ៩ ឧសភា ២០២៦

ដោយ

ក្រសួងអាជីវកម្មនិងពាណិជ្ជកម្មចក្រភពអង់គ្លេស (DBT) បានផ្តល់អាជ្ញាប័ណ្ណថ្មីចំនួនពីរសម្រាប់ការនាំចេញឧបករណ៍យោធាទៅកាន់ប្រទេសអ៊ីស្រាអែល រួមទាំងអាជ្ញាប័ណ្ណចំនួន ១១.៨៥លានដុល្លារគ្របដណ្តប់លើគ្រឿងបន្លាស់ និងបច្ចេកវិទ្យាសម្រាប់កំណត់គោលដៅវាយប្រហារ។ នេះបើយោងតាមក្រុមយុទ្ធនាការប្រឆាំងពាណិជ្ជកម្មអាវុធ (CAAT) ។

យោងតាមសារព័ត៌មានមជ្ឈិមបូព៌ា Middle East Monitor ផ្សាយថ្ងៃទី៨ ខែឧសភា ឆ្នាំ២០២៦ អាជ្ញាប័ណ្ណទាំងនោះត្រូវបានផ្តល់ឱ្យអ៊ីស្រាអែល ទោះបីជារដ្ឋាភិបាលអង់គ្លេសផ្អាកការនាំចេញបែបនេះកាលពីខែកញ្ញា ឆ្នាំ២០២៤ ដោយសារការភ័យខ្លាចថាឧបករណ៍ទាំងនោះនឹងប្រើប្រាស់ជាអំពើប្រល័យពូជសាសន៍របស់អ៊ីស្រាអែលប្រឆាំងនឹងប្រជាជននៅតំបន់ហ្គាហ្សាក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវិភាគរបស់ CAAT លើស្ថិតិអាជ្ញាប័ណ្ណនាំចេញរបស់ចក្រភពអង់គ្លេសសម្រាប់ត្រីមាសទីបួននៃឆ្នាំ២០២៥ ចេញផ្សាយនៅថ្ងៃទី៣០ ខែមេសា រកឃើញថា ចក្រភពអង់គ្លេសបានចេញអាជ្ញាប័ណ្ណនាំចេញដែលមានតម្លៃសរុបចំនួន ២៧.៩លានដុល្លារ សម្រាប់ការផ្ទេរទៅប្រទេសអ៊ីស្រាអែល អំឡុងពេលត្រីមាសនោះ។

ពេលក្រុម CAAT សួរពីអាជ្ញាប័ណ្ណនេះ, DBT ឆ្លើយតបថា៖ « វាគ្របដណ្តប់លើរបស់របរ[ឧបករណ៍យោធា] សម្រាប់នាំចេញឡើងវិញពីអ៊ីស្រាអែល ហើយរដ្ឋាភិបាលអ៊ីស្រាអែលមិនមែនជាអ្នកប្រើប្រាស់ចុងក្រោយនោះទេ។ រឿងនេះស្របនឹងការផ្អាករបស់យើង»។

ដោយឡែក ក្រុម CAAT លើកឡើងថា៖ « ការការពារបានពឹងផ្អែកលើការប្រឌិដ្ឋផ្នែកច្បាប់»។

ចំណែក អ្នកឃ្លាំមើលបានព្រមានអំពីហានិភ័យនៃការបង្វែរដោយស្វ័យប្រវត្តិ ដោយដំណើរការមួយដែលអ៊ីស្រាអែលអាចបរាជ័យក្នុងការផ្ទេរឧបករណ៍យោធាទៅកាន់គោលដៅដូចបានប្រកាស ជំនួសមកវិញដោយការចាត់តាំងទៅអ្នកប្រើប្រាស់ចុងក្រោយគ្មានការអនុញ្ញាត ដូចជាកងកម្លាំងការពារអ៊ីស្រាអែល (IDF) ប្រើឧបករណ៍យោធានៅហ្គាហ្សា។

ប្រែដោយ៖ ណឺ មិនា

Related Topics:ចក្រភពអង់គ្លេស អ៊ីស្រាអែល

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា