កីឡា

លោក ហង់ជួន ណារ៉ុន ការប្រកួតជើងឯកថ្នាក់ជាតិតេក្វាន់ដូ WT ឆ្នាំនេះមានយុវជនប្លែកមុខចូលរួមច្រើន

បានផុស

៣ ខែ មុន

នៅ

ថ្ងៃចន្ទ ២៣ កុម្ភៈ ២០២៦

ដោយ

លោក ហង់ជួន ណារ៉ុន ប្រធានសហព័ន្ធកីឡាតេក្វាន់ដូ WT ថាការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ ដែលបញ្ចប់ទៅនេះសង្កេតឃើញមានយុវជនប្លែកៗមុខចូលរួមច្រើនជាងឆ្នាំមុនៗដែលបង្ហាញពីការគាំទ្រ និងកំណើនធនធានថ្នាលថ្មីៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពបិទការប្រកួត

ថ្លែងក្នុងពិធីបិទការប្រកួតជ្រើសរើសជើងឯកថ្នាក់ម្សិលមិញនេះលោក ហង់ជួន ណារ៉ុន បានលើកឡើងថា ឆ្នាំនេះកីឡាករ កីឡាការិនីមានយុវជនប្លែកមុខច្រើនដែលបានចូលរួមក្នុងប្រកួតប្រជែងនេះ។ កំណើននៃយុវជនថ្មីៗនេះបានបញ្ជាក់ពីការស្រឡាញ់គាំទ្រ និងចំនួនអ្នកហ្វឹកហាត់មានកាន់តែច្រើន។

សហព័ន្ធនៅតែបន្តជំរុញដល់យុវជន និងសាធារណៈជនទាំងអស់ឲ្យហ្វឹកហាត់កីឡាយ៉ាងហោចណស់បានមួយប្រភេទដើម្បីសុខភាពរស់នៅ និងជាធនធានដែលប្រកបដោយសក្កានុពលចូលរួមអភិវឌ្ឍន៍ប្រទេសកម្ពុជាឲ្យកាន់តែមានភាពរីកចម្រើនជាមួយរាជរដ្ឋាភិបាល។

ទិដ្ឋភាពបិទការប្រកួត

ប្រធានសហព័ន្ធខាងលើនេះថ្លែងអំណរគុណដល់បណ្ដាក្លឹបនានា គ្រូបង្វឹក កីឡាករ កីឡាការិនី ភាគីពាក់ព័ន្ធទាំងអស់ពិសេសក្រុមសម្ដែងដែលបានខិតខំប្រឹងប្រែងក្នុងការចូលរួម និងពង្រីកផ្សព្វផ្សាយកីឡាតេក្វាន់ដូ WT នេះឲ្យកាន់តែទូលំទូលាយ។

ទិដ្ឋភាពប្រកួត

បញ្ជាក់ដែរថា សហព័ន្ធកីឡាតេក្វាន់ដូ WT បានបិទបញ្ចប់ការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ របស់ខ្លួនហើយកាលពីថ្ងៃទី២២ ខែកុម្ភៈ ឆ្នាំ២០២៦ ម្សិលមិញនេះនៅឯអគារប៊ូយុង ក្នុងពហុកីឡដ្ឋានជាតិ។ ការប្រកួតនេះមានគ្រូបង្វឹក កីឡាករ កីឡាការិនីសរុប ២១៤នាក់មកពី ៣៤ក្លឹប និងបានប្រកួតលើ ២១វិញ្ញាសា៕

ទិដ្ឋភាពបិទការប្រកួត

អត្ថបទដោយ៖ នួន ស៊ីណា

Related Topics:កីឡាតេក្វាន់ដូ WT

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា