ព័ត៌មានជាតិ

សមត្ថកិច្ចរកឃើញហើយអ្នកគប់កញ្ចក់រថយន្តតាមផ្លូវសាធារណៈ

បានផុស

៥ years មុន

នៅ

ថ្ងៃអាទិត្យ ២៥ មេសា ២០២១

ដោយ

ខេត្តបាត់ដំបង៖ ជនសង្ស័យម្នាក់ដែលបានគប់កញ្ចក់រថយន្តអ្នកធ្វើដំណើរតាមដងផ្លូវសាធារណៈក្រោយពីបានធ្វើសកម្មភាពបានរត់គេចខ្លួនអស់ពេលមួយរយៈ ពេលនេះសមត្ថកិច្ចក្របួចជាប់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលនៃស្នងការខេត្តបានឱ្យដឹងថា ការចុះឃាត់ខ្លួនជនសង្ស័យខាងលើនេះបានធ្វើឡើងស្របតាមការសម្របសម្រួលលើនីតិវិធីពីលោក គឺ ប៊ុណ្ណារ៉ា តំណាងអយ្យការនៃអយ្យការអមសាលាដំបូងខេត្តបាត់ដំបងផងដែរ។

លោកបន្តថា ក្រោយពីមានការសម្របសម្រួលពីតុលាការ លោកបានដឹកនាំកម្លាំងក្រុមអន្តរាគមន៍បង្ការបង្ក្រាប សហការជាមួយកម្លាំងអធិការដ្ឋាននគរបាលស្រុកថ្មគោល ចុះប្រតិបត្តិការឃាត់ខ្លួនជនសង្ស័យតែម្តងនៅថ្ងៃទី២៤ ខែមេសា ឆ្នាំ២០២១ នៅចំណុចក្នុងឡឥដ្ឋស្ថិតក្នុងភូមិកគោ ឃុំជ្រៃ ស្រុកថ្មគោល ខេត្តបាត់ដំបង។

លោក ឈឿង គឹមសុង បន្តថា ការឃាត់ខ្លួននេះក៏ស្របតាមការអនុវត្តតាមដីកាបញ្ជាឱ្យចូលខ្លួនលេខ១១អ.យរបស់លោក គឺ ប៊ុណ្ណារ៉ា តំណាងអយ្យការនៃអយ្យការអមសាលាដំបូងខេត្តបាត់ដំបង ដែលបញ្ជាឱ្យជនសង្ស័យឈ្មោះ សុខ សម្ផស្ស ហៅ(វស្ស)ភេទប្រុស ថ្ងៃខែឆ្នាំកំណើត ១០ ១១ ២០០២ ដែលមានទីលំនៅក្រុមទី៥ ឃុំជ្រៃស្រុកថ្មគោល ខេត្តបាត់ដំបង ពាក់ព័ន្ធនឹងករណីធ្វើឱ្យខូចខាតដោយចេតនា (គប់កញ្ចក់រថយន្ត) ក្នុងអំឡុងខែមីនា ឆ្នាំ២០២១ នៅចំណុចមុខផ្សារជ្រៃស្ថិតក្នុងភូមិជ្រៃ ឃុំជ្រៃ ស្រុកថ្មគោល ខេត្តបាត់ដំបង។