កីឡា

ម៉ាឡេស៊ី ត្រូវបានពិន័យជាផ្លូវការហើយ ជុំវិញកីឡាករបរទេសចូលសញ្ជាតិ

បានផុស

៣ ខែ មុន

នៅ

ថ្ងៃអង្គារ ១៧ មីនា ២០២៦

ដោយ

សហព័ន្ធកីឡាបាល់ទាត់ម៉ាឡេស៊ី និងក្រុមបាល់ទាត់ជម្រើសជាតិម៉ាឡេស៊ី ត្រូវបានពិន័យជាផ្លូវការហើយពាក់ព័ន្ធនឹងការបំពានច្បាប់កីឡាករបរទេសចូលសញ្ជាតិ។ នេះបើយោងតាមសេចក្តីសម្រេចរបស់សហព័ន្ធកីឡាបាល់ទាត់អាស៊ី (AFC) ដែលបានសម្រេចនៅថ្ងៃទី១៧ ខែមីនា ឆ្នាំ ២០២៦។

រឿងក្តីរបស់កីឡាករបរទេស ៧ នាក់ដែលទទួលបានសញ្ជាតិម៉ាឡេស៊ី និងបានចូលរួមជាមួយជម្រើសជាតិម៉ាឡេស៊ី លើឆាកអន្តរជាតិអស់រយៈពេលជាច្រើនខែមកហើយ ពេលនេះបានសម្រេចជាផ្លូវការ។ សហព័ន្ធកីឡាបាល់ទាត់ម៉ាឡេស៊ី ត្រូវបានរកឃើញមានកំហុសតាមមាត្រា ៥៦ នៃវិន័យ និងក្រមសីលធម៌ របស់សហព័ន្ធកីឡាបាល់ទាត់អាស៊ី។ កីឡាករទាំង ៧ នាក់ ដែលទទួលបានសញ្ជាតិម៉ាឡេស៊ីគឺគ្មានប្រភពដើមនៃជីដូនជីតាជាសញ្ជាតិម៉ាឡេស៊ីឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការរកឃើញកំហុសនេះ ក្រុមបាល់ទាត់ជម្រើសជាតិម៉ាឡេស៊ី ត្រូវបានកាត់សេចក្តីឲ្យចាញ់ ក្រុមបាល់ទាត់ជម្រើសជាតិនេប៉ាល់ ០-៣ ដែលការប្រកួតកាលពីថ្ងៃទី២៥ ខែមីនា ឆ្នាំ ២០២៥ ម៉ាឡេស៊ី ឈ្នះ នេប៉ាល់ ២-០។ ការប្រកួតមួយទៀត ម៉ាឡេស៊ី ត្រូវឲ្យចាញ់ វៀតណាម ០-៣ ដែលការប្រកួតនេះកាលពីថ្ងៃទី១០ ខែមិថុនា ឆ្នាំ ២០២៥ ដែល ពេលនោះ ម៉ាឡេស៊ី ឈ្នះ វៀតណាម ៤-០។

បន្ទាប់ពី សម្រេចនេះ វៀតណាម ទទួលបានកៅអី ឡើងទៅជុំចុងក្រោយ ដោយមាន ១៥ ពិន្ទុស្ថិតនៅកំពូលតារាងពូល F ខណៈ ម៉ាឡេស៊ី ស្ថិតនៅលេខ ២ មាន ៩ ពិន្ទុ ហើយ ឡាវ លេខ ៣ មាន ៣ ពិន្ទុ និងនេប៉ាល់ លេខ ៤ មាន ៣ ពិន្ទុ។

ជាមួយគ្នានេះ សហព័ន្ធកីឡាបាល់ទាត់ម៉ាឡេស៊ី ត្រូវបានពិន័យជាប្រាក់ចំនួន ៥ម៉ឺនដុល្លារអាមេរិក ដែលត្រូវបង់ប្រាក់ក្នុងរយៈពេល ៣០ ថ្ងៃ បន្ទាប់ពីសេចក្តីសម្រេច។ ចំណែកកីឡាករក៏ទទួលរងពិន័យដែរគឺ ផ្អាកពីការចូលរួមប្រកួតរយៈពេល ១២ ខែ និងជាទឹកប្រាក់ផងដែរ៕

ប្រែសម្រួល៖ វិរបុត្រ

Related Topics:AFC ម៉ាឡេស៊ី

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា