ព័ត៌មានអន្ដរជាតិ

NASA រៀបចំបញ្ជូនអវកាសយានិកទៅឋានព្រះចន្ទ បន្ទាប់ពី៥៣ឆ្នាំ

បានផុស

៤ សប្តាហ៍ មុន

នៅ

ថ្ងៃអង្គារ ៣១ មីនា ២០២៦

ដោយ

អង្គការ NASA កំពុងរៀបចំបញ្ជូនក្រុមអវកាសយានិកជាលើកដំបូងទៅកាន់ឋានព្រះចន្ទ បន្ទាប់ពីរង់ចាំអស់រយៈពេលជាង៥៣ឆ្នាំ រួមទាំងបេសកកម្ម Artemis លើកទីពីរ ដែលជាការហោះហើរសាកល្បងដ៏សំខាន់មួយលើឋានព្រះចន្ទ ខណៈសហរដ្ឋអាមេរិកកំពុងប្រណាំងប្រជែងឡើងវិញនូវភាពជាអ្នកដឹកនាំក្នុងលំហអាកាសជាមួយប្រទេសចិន។

យោងតាមភ្នាក់ងាររ៉យទ័រផ្សាយថ្ងៃទី៣០ ខែមីនា ឆ្នាំ២០២៦ អវកាសយានិកអាមេរិក៣រូប និងកាណាដាម្នាក់ គ្រោងនឹងហោះនៅលើយាន Orion capsule និង Space Launch System របស់អង្គការ NASA នៅថ្ងៃពុធ ទី០១ ខែមេសា ឆ្នាំ២០២៦។

អវកាសយានិកទាំងបួន ដែលគ្រោងហោះថ្ងៃទី១ ខែមេសា។ រូបភាព៖ NASA

បេសកកម្មសាកល្បងលើកនេះមានរយៈពេល ១០ថ្ងៃ ជុំវិញឋានព្រះចន្ទនិងត្រឡប់មកវិញ វាជាដំណើរដ៏វែងឆ្ងាយមួយ ដែលនាំពួកគេទាំង៤នាក់ចូលទៅក្នុងលំហអាកាសកាន់តែជ្រៅជាងអ្វីដែលអវកាសយានិកធ្លាប់ធ្វើដំណើរពីមុនមក។

គួរបញ្ជាក់ថាបេសកកម្មខាងលើគឺជាការហោះហើរសាកល្បងលើកដំបូងដែលមានមនុស្សបើកយន្តហោះនៅក្នុងកម្មវិធី Artemis របស់ NASA វាជាការខិតខំប្រឹងប្រែងដ៏សំខាន់មួយរបស់សហរដ្ឋអាមេរិក ដើម្បីចាប់ផ្តើមជើងហោះហើរជាប្រចាំទៅកាន់ឋានព្រះចន្ទ ដោយចំណាយទឹកប្រាក់អស់ជាង ៩៣ប៊ីលានដុល្លារចាប់តាំងពីឆ្នាំ ២០១២ ។

ចាប់តាំងពីបេសកម្ម Apollo-១៧ ក្នុងឆ្នាំ ១៩៧២ មក មនុស្សមិនបានចុះចតលើផ្ទៃឋានព្រះចន្ទទេ ការងារនេះជាស្នាដៃដ៏លំបាកមួយរបស់ NASA មានគោលបំណងធ្វើម្តងទៀតនៅឆ្នាំ ២០២៨ នៅប៉ូលរដិបរដុបខាងត្បូងនៃឋានព្រះចន្ទ។

មិនតែប៉ុណ្ណោះ សហរដ្ឋអាមេរិកគឺជាប្រទេសតែមួយគត់ដែលបានដាក់មនុស្សនៅលើផ្ទៃភពមួយផ្សេងទៀត ជាមួយនឹងការចុះចតចំនួន៦លើកនៃកម្មវិធី Apollo ។

ថ្មីៗនេះ មន្ត្រីសហរដ្ឋអាមេរិកផ្តោតលើប្រទេសចិនជាគូប្រជែងបច្ចេកវិទ្យាដ៏ខ្លាំងក្លាមួយមានវឌ្ឍនភាពជាលំដាប់នៅក្នុងកម្មវិធីឋានព្រះចន្ទក្នុងរយៈពេលប៉ុន្មានឆ្នាំចុងក្រោយ ជាមួយនឹងការចុះចតដោយមនុស្សយន្តជាបន្តបន្ទាប់នៅលើឋានព្រះចន្ទ និងគោលដៅឆ្នាំ ២០៣០ ដើម្បីដាក់ក្រុមអវកាសយានិកផ្ទាល់ខ្លួននៅលើផ្ទៃភព៕

ប្រែសម្រួល៖ ណឺ មិនា