ព័ត៌មានអន្ដរជាតិ
អ៊ីរ៉ង់ បោះសម្តីទៅលោក ត្រាំ ថា៖ «ច្រក Hormuz គង់តែបើកវិញទេ ប៉ុន្តែមិនមែនសម្រាប់អាមេរិកឡើយ»
ស្របពេលតម្លៃប្រេងជាសកលកំពុងហក់ឡើងខ្ពស់ដោយសារតែសង្គ្រាមមជ្ឈិមបូព៌ា ជាពិសេសការបិទច្រកសមុទ្រ Hormuz នោះ ពេលនេះ មន្ត្រីជាន់ខ្ពស់អ៊ីរ៉ង់ បានបោះពាក្យទៅប្រធានាធិបតីអាមេរិក ដូណាល់ ត្រាំ ថា ច្រកនេះគង់តែបើកវិញទេ ប៉ុន្តែមិនមែនបើកសម្រាប់អាមេរិកឡើយ។
ក្នុងសារបង្ហោះលើបណ្តាញសង្គម X និងត្រូវបានយកមកផ្សាយដោយសារព័ត៌មាន BBC នៅថ្ងៃពុធទី១ខែមេសាឆ្នាំ២០២៦ ប្រធានគណៈកម្មាធិការសន្តិសុខជាតិ នៃសភាអ៊ីរ៉ង់ លោក Ebrahim Azizi សរសេរថា៖ «ច្រក Hormuz គង់តែបើកឡើងវិញទេ ប៉ុន្តែមិនមែនសម្រាប់អ្នកឡើយ គឺវាសម្រាប់តែអ្នកណាដែលគោរពតាមច្បាប់ថ្មីរបស់អ៊ីរ៉ង់ប៉ុណ្ណោះ។ ការទទួលបដិសណ្ឋារកិច្ចរយៈពេល៤៧ឆ្នាំ បានបញ្ចប់ជារៀងរហូតហើយ»។
ទន្ទឹមនោះ មន្ត្រីជាន់ខ្ពស់រូបនេះក៏ផ្លែផ្កាទៅប្រធានាធិបតីអាមេរិកដែរថា៖ «ទីបំផុត ក្តីសុបិនរបស់លោកត្រាំ ក្នុងការផ្លាស់ប្តូររបបបានក្លាយជាការពិតហើយ ប៉ុន្តែនោះគឺផ្លាស់ប្តូររបបដែនសមុទ្រនៅក្នុងតំបន់ទៅវិញទេ!»។
ការបង្ហោះសាររបស់លោក Azizi កើតឡើងបន្ទាប់ពី គណៈកម្មាធិការសន្តិសុខជាតិអ៊ីរ៉ង់បានអនុម័តផែនការយកពន្ធ លើនាវាទាំងឡាយណាដែលធ្វើដំណើរឆ្លងកាត់ច្រកសមុទ្រ Hormuz។
យ៉ាងណា លោកត្រាំប្រកាសមុននេះថា អាមេរិកលែងខ្វល់រឿងបើកច្រក Hormuz ទៀតហើយ និងថែមទាំងប្រាប់សម្ព័ន្ធមិត្តឲ្យចូលទៅយកប្រេងដោយខ្លួនឯងទៅ។
យោងតាម Al Jazeera និង Euro.News ផ្សាយថ្ងៃទី៣១ខែមីនា លោក ត្រាំ បង្ហោះលើ Truth Social ថា៖ «ពួកអ្នកនឹងត្រូវចាប់ផ្តើមរៀនពីរបៀបតស៊ូដើម្បីខ្លួនឯង សហរដ្ឋអាមេរិកនឹងមិននៅទីនោះដើម្បីជួយអ្នកទៀតទេ ដូចជាពួកអ្នកមិននៅទីនោះសម្រាប់យើងដែរ។ អ៊ីរ៉ង់ត្រូវបានបំផ្លិចបំផ្លាញយ៉ាងខ្លាំងហើយ។ ចំណែកផ្នែកដ៏លំបាកក៏រួចរាល់ហើយដែរ។ សូមទៅយកប្រេងរបស់អ្នកដោយខ្លួនឯងទៅ។ ពួកគេគួរតែទៅទិញប្រេងឥន្ធនៈពីសហរដ្ឋអាមេរិក ព្រោះយើងមានច្រើនណាស់»។
ការអត្ថាធិប្បាយរបស់ លោក ត្រាំ បានកើតឡើងចំថ្ងៃដែល តម្លៃប្រេងឥន្ធនៈនៅសហរដ្ឋអាមេរិកកើនដល់កម្រិតខ្ពស់បំផុតជាលើកដំបូង ចាប់តាំងពីឆ្នាំ ២០២២មក៕
អត្ថបទ៖ សុខ សុវណ្ណ
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ