ព័ត៌មានអន្ដរជាតិ

អាមេរិក ពិចារណាដកការគាំទ្រអង់គ្លេសក្នុងជម្លោះកោះ Falkland ជាមួយអាហ្សង់ទីន

បានផុស

១ ខែ មុន

នៅ

ថ្ងៃសុក្រ ២៤ មេសា ២០២៦

ដោយ

របាយការណ៍មួយត្រូវបានផ្សព្វផ្សាយ បានបង្ហាញថា សហរដ្ឋអាមេរិកកំពុងពិចារណាពិនិត្យឡើងវិញ លើការទាមទាររបស់អង់គ្លេសលើកោះ Falkland ខណៈអង់គ្លេសមិនបានគាំទ្រអាមេរិកលើសង្រ្គាមអ៊ីរ៉ង់ ដែលអាមេរិកចាត់ទុកថា វាជាការផ្តន្ទាទោសលើភាពបរាជ័យរបស់ទីក្រុងឡុងដ៍។

យោងតាមសារព័ត៌មានអង់គ្លេស The Independent បានផ្សាយថ្ងៃទី២៤ ខែមេសា ឆ្នាំ២០២៦ ក្នុងអ៊ីមែលផ្ទៃក្នុងរបស់មន្ទីរបញ្ចកោណ មន្ត្រីអាមេរិកម្នាក់បានលើកឡើងពីគំនិតនៃការវាយតម្លៃឡើងវិញ នូវការគាំទ្រផ្នែកការទូតរបស់ទីក្រុងវ៉ាស៊ីនតោន ចំពោះ «កម្មសិទ្ធិអធិរាជ» របស់អឺរ៉ុប ដូចជា កោះ Falkland ជាដើម។

ប្រធានាធិបតីសហរដ្ឋអាមេរិក លោក ដូណាល់ ត្រាំ ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ប្រទេសដែលចង់បានកោះ Falkland ខ្លាំងបំផុតពីប្រទេសអាហ្សង់ទីន ដែលបានឈ្លោះប្រកែកគ្នាពីអធិបតេយ្យភាពរបស់អង់គ្លេសចាប់តាំងពីសង្គ្រាម Falklands ឆ្នាំ ១៩៨២ ។

ចាប់តាំងពីការចាប់ផ្តើមនៃជម្លោះនោះមក អាមេរិកគឺដើរតួនាទីជាសម្ព័ន្ធមិត្តដ៏មានឥទ្ធិពលមួយនៅពីក្រោយអង់គ្លេស និងមានជំហរផ្នែកការទូតយ៉ាងសំខាន់សម្រាប់អង់គ្លេស។

មិនតែប៉ុណ្ណោះ អ៊ីមែលនោះក៏បានស្នើឱ្យផ្អាកប្រទេសអេស្ប៉ាញពីអង្គការណាតូផងដែរ បន្ទាប់ពីរិះគន់អាមេរិកយ៉ាងចាស់ដៃលើសង្គ្រាមនៅអ៊ីរ៉ង់ និងហាមឃាត់ប្រទេសដែលមិនចុះសម្រុងចេញពីដំណែងកំពូលៗក្នុងសម្ព័ន្ធភាពយោធាទៀតផង។

រឿងនេះកើតឡើង បន្ទាប់ពីយោធាអាមេរិកប្រកាសថា នាវាផ្ទុកយន្តហោះទីបី USS George HW Bush បានចូលទៅក្នុងមជ្ឈិមបូព៌ា ខណៈទីក្រុងវ៉ាស៊ីនតោនកំពុងបន្តកិច្ចខិតខំប្រឹងប្រែងរបស់ខ្លួន ដើម្បីដាក់សម្ពាធលើទីក្រុងតេហេរ៉ង់ឱ្យធ្វើកិច្ចព្រមព្រៀងសន្តិភាពតាមលក្ខខណ្ឌរបស់អាមេរិក។

លោក ត្រាំ និយាយថា ទីក្រុងតេហេរ៉ង់ប្រហែលជាបានផ្ទុកអាវុធរបស់ពួកគេបន្តិចបន្តួច អំឡុងពេលបទឈប់បាញ់ជាមួយទីក្រុងវ៉ាស៊ីនតោន ប៉ុន្តែយោធាអាមេរិកអាចបញ្ចប់វាក្នុងរយៈពេលប្រហែលមួយថ្ងៃប៉ុណ្ណោះ។

ទន្ទឹមនឹងនេះ លោក ដូណាល់ ត្រាំ ប្រកាសថា បទឈប់បាញ់អ៊ីស្រាអែល-លីបង់ត្រូវបានបន្តរយៈពេលបីសប្តាហ៍ទៀត។

ប្រធានាធិបតីអាមេរិករូបនេះមានប្រសាសន៍ពីការិយាល័យសេតវិមាន កាលពីថ្ងៃព្រហស្បតិ៍ថា៖ « យើងមានកិច្ចប្រជុំដ៏អស្ចារ្យជាមួយមន្ត្រីជាន់ខ្ពស់នៃប្រទេសលីបង់និងមន្ត្រីជាន់ខ្ពស់នៃប្រទេសអ៊ីស្រាអែល»៕

ប្រែសម្រួល៖ ណឺ មិនា

Related Topics:ចក្រភពអង់គ្លេស សហរដ្ឋអាមេរិក

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា