ព័ត៌មានអន្ដរជាតិ

រុស្ស៊ីពង្រីករោងចក្រផលិតដ្រូន«Shahed» ធំបំផុតក្នុងលោក សម្រាប់នាំចេញទៅអ៊ីរ៉ង់

បានផុស

៤ សប្តាហ៍ មុន

នៅ

ថ្ងៃអង្គារ ១២ ឧសភា ២០២៦

ដោយ

ប្រទេសរុស្ស៊ីកំពុងពង្រីករោងចក្រផលិតដ្រូនតាមលំនាំរចនាបថដ្រូន «Shahed»របស់អ៊ីរ៉ង់ ដ៏ធំបំផុតរបស់ពិភពលោក ចំពេលមានការកើនឡើងនៃការនាំចេញអាវុធដ្រូននេះទៅកាន់ប្រទេសអ៊ីរ៉ង់។ យោងតាមភ្នាក់ងារសារព័ត៌មាន AFP ផ្សាយថ្ងៃទី១២ ខែឧសភា ឆ្នាំ២០២៦ ទីក្រុងមូស្គូ បានពង្រីកតំបន់សេដ្ឋកិច្ចពិសេស Alabuga (SEZ) ជាទីតាំងនៃមជ្ឈមណ្ឌលផលិតដ្រូនដ៏សំខាន់របស់ប្រទេសរុស្ស៊ី លើទំហំផ្ទៃដីចំនួន៣៤០ហិកតា ក្នុងឆ្នាំកន្លងមក។

រូបភាពផ្កាយរណបបង្ហាញនូវឃ្លាំងស្តុកយន្តហោះទើបសាងសង់ថ្មីៗ លាតសន្ធឹងពាសពេញផ្នែកខាងជើង ខណៈកន្លែងផលិតនិងកន្លែងស្នាក់នៅពង្រីកនៅអគារកណ្តាល។

រូបភាពពីផ្កាយរណប រោងចក្រផលិតដ្រូនរបស់រុស្ស៊ី។ រូបភាព៖ MAXAR

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដ្ឋានសំណង់ដាច់ដោយឡែកមួយ ទំហំ ៤៥០ហិកតា ត្រូវបានបង្កើតឡើងនៅភាគខាងត្បូងនៃតំបន់សេដ្ឋកិច្ចពិសេស(SEZ) តែមិនមានព័ត៌មានណាលើកឡើងថាកន្លែងនេះ ជាកន្លែងផលិតដ្រូនទេ គ្រាន់តែមានផ្លូវមួយដែលអ្នកជំនាញសង្ស័យថាជារោងចក្រ។

រោងចក្រផលិតដ្រូនរបស់រុស្ស៊ី ធ្វើការដោយក្មេងជំទង់ បានពន្លឿនការផលិតដ្រូនរយៈចម្ងាយឆ្ងាយ(UAV) មានតម្លៃចាប់ពី ២ម៉ឺនដុល្លាទៅ ៦ម៉ឺនដុល្លា ដើម្បីផលិត។

លោក Oleksandr Syrskyi មេបញ្ជាការជាន់ខ្ពស់បំផុតរបស់អ៊ុយក្រែន និយាយកាលពីខែមករាថា រុស្ស៊ីកំពុងមានគម្រោងបង្កើនការផលិតដ្រូនអត្តឃាតទ្វេដង រហូតដល់ ១ ០០០គ្រឿងក្នុងមួយថ្ងៃ។

ដោយឡែក មន្ត្រីអាមេរិកម្នាក់ប្រាប់កាសែត The New York Times ថា វិមានក្រឹមឡាំងបានដឹកជញ្ជូនគ្រឿងបន្លាស់ដ្រូនទៅកាន់អ៊ីរ៉ង់តាមរយៈសមុទ្រ Caspian ដើម្បីជួយកសាងសមត្ថភាពយោធារបស់ទីក្រុងតេហេរ៉ង់ឡើងវិញ អំឡុងពេលបទឈប់បាញ់បច្ចុប្បន្ន។

គួរបញ្ជាក់ថា ផ្លូវសមុទ្រ Caspian ត្រូវបានប្រើប្រាស់ជាប្រវត្តិសាស្ត្រដោយអ៊ីរ៉ង់និងរុស្ស៊ី ដើម្បីដឹកជញ្ជូនទំនិញយោធារវាងប្រទេសទាំងពីរ៕

ប្រែដោយ៖ ណឺ មិនា