កីឡា

៦ រឿងសំខាន់ពី World Cup 2026 គិតត្រឹមព្រឹកថ្ងៃទី ២ ខែកក្កដានេះ

បានផុស

២ ម៉ោង មុន

នៅ

ថ្ងៃព្រហស្បតិ៍ ២ កក្កដា ២០២៦

ដោយ

ព្រឹត្តិការណ៍ប្រកួតកីឡាបាល់ទាត់ជើងឯកពិភពលោក World Cup 2026 បានដំណើរការជាង ២០ ថ្ងៃហើយគិតត្រឹមថ្ងៃទី២ ខែកក្កដា ឆ្នាំ ២០២៦ បន្ទាប់ពីដំណើរការប្រកួតតាំងពីថ្ងៃទី១១ ខែមិថុនា ឆ្នាំ ២០២៦ នៅសហរដ្ឋអាមេរិក ម៉ិកស៊ិក និងកាណាដា ដែលជាសហម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការប្រកួតដ៏វែងឆ្ងាយមានរឿងរំភើបរីករាយ ទុក្ខក្រៀម សោកសៅជាច្រើន បានកើតមានឡើងសម្រាប់ក្រុមដែលបានឡើងវគ្គបន្ត និងក្រុមដែលបានត្រឡប់ទៅផ្ទះវិញ ហើយក៏មានរឿងផ្សេងៗជាច្រើនទៀតដូចជាការបំបែកកំណត់ត្រា ក្រុមការងារគ្រូបង្វឹកត្រូវបានបញ្ឈប់ ឬលាលែងពីតំណែងជាដើម។

អ្នកចាំទីបូស្នៀ Nikola Vasilj មិនអាចសង្គ្រោះបាល់ពីការស៊ុតហ្វ្រីឃីករបស់ អាមេរិក

គិតត្រឹមព្រឹកថ្ងៃទី២ ខែកកក្កដា នេះ «កម្ពុជាថ្មី» សង្ខេបរឿងសំខាន់ចំនួន ៦ យ៉ាងដែលជាចំណុចស្នូលនៃការប្រកួតទាំងមូល។

ការប្រកួតដំណើរការបាន ៨២ ប្រកួត
រកឃើញចំនួន ១០ ក្រុមបានឡើងទៅកាន់វគ្គ ១៦ ក្រុមចុងក្រោយ និងសល់តែ ៦ ក្រុមទៀត
គ្រាប់បាល់បានកើតមានចំនួន ២៤១ គ្រាប់ (ជាមធ្យម ២.៩៤ គ្រាប់ ក្នុង ១ ប្រកួត)
អ្នកទស្សនាផ្ទាល់សរុបចំនួន ៥.៣៣២.៨៩៤ នាក់ (ជាមធ្យម ៦៥,០៣៥នាក់ ក្នុង ១ ប្រកួត)
កីឡាករ Lionel Missi និង Kylian Mbappe រកបាន ៦ គ្រាប់ដូចគ្នា ខណៈ Harry Kane និង Early Haaland រកបាន ៥ គ្រាប់ដូចគ្នា ហើយ Vinicius Junior, Ousmane Dembele និង Ismaila Sarr រកបាន ៤ គ្រាប់ដូចគ្នា។ កីឡាករ ២៥ នាក់ រកបាន ២ គ្រាប់ដូចគ្នា។ កីឡាករ ១១០ នាក់ រកបាន ម្នាក់ ១ គ្រាប់ដូចគ្នា និងកីឡាករ ១២ នាក់ ធ្វើឲ្យចូលទីខ្លួនឯង។
អាជ្ញាកណ្តាល ពិន័យកាតក្រហម ១២ នាក់