សមាជិកក្រុមរាំ ពេជ្រ សោភា ម្នាក់ជួបគ្រោះថ្នាក់ចរាចរណ៍ស្លាប់យ៉ាងរន្ធត់

បុរសវ័យក្មេងម្នាក់ ដែលគេដឹងថាជាសមាជិកស្ថិតក្នុងរាំរបស់តារាចម្រៀងអ្នកនាង ពេជ្រ សោ ភា បានជួបហេតុការណ៍គ្រោះថ្នាក់ចរាចរណ៍ដ៏រន្ធត់បណ្តាលឲ្យស្លាប់ក្រោយបញ្ចូនទៅមន្ទីពេទ្យ។

ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើ តឡើងកាលពីវេលាម៉ោង៧និង៣៥នាទីយប់ថ្ងៃទី ០៨ ខែឧសភាឆ្នាំ ២០២១ស្ថិតនៅតាមបណ្ដោយផ្លូ វជាតិលេខ៤ចំណុចជិតស្តុបទំនប់កប់ស្រូវក្នុងភូមិព្រៃស្វាយសង្កាត់ចោមចៅទី៣ខណ្ឌពោធិ៍សែនជ័យ រាជធានីភ្នំពេញ។

ប្រភពបានឲ្យដឹងថា បុរសដែលជាក្រុមរាំអ្នកនាង ពេជ្រ សោភា នេះបានបាត់បង់ជីវិតក្រោយពេល បញ្ជូនដល់មន្ទីរពេទ្យបន្ទាប់ពីជួបគ្រោះថ្នាក់ចរាចរណ៍ ដោយជិះម៉ូតូក្នុងល្បឿនលឿនវ៉ាជែងពីមុខរថយន្តខ្វះការប្រុងប្រយ័ត្នបណ្តាលឲ្យរអិលចាប់ហ្រ្វាំងដួល ចូលក្រោមកង់រថយន្តដឹកខ្សាច់កិនដាច់ជើងទាំងសងខាងយ៉ាងអាណោចអាធ័ម។

សពជនរងគ្រោះមានឈ្មោះ គឹមសែ ភេទប្រុសអា យុ២៥ឆ្នាំមុខរបជាសិល្បករផ្នែករាំបច្ចុប្បន្នរស់នៅ សង្កាត់​បឹង​កក់​ទី១ខណ្ឌទួលគោករាជធានីភ្នំពេញ ។ជនរងគ្រោះជិះម៉ូតូម៉ាកZOOMERXពណ៌ខ្មៅលាយក្រហមពាក់ផ្លាកលេខភ្នំពេញ​1-GS 7122 ចំណែករថយន្តបង្កម៉ាកហ៊ីយ៉ាន់ដាយក្បាលពណ៌ ទឹកប្រាក់ពាក់ផ្លាកលេខកណ្តាល 3-A 2932៕

អត្ថបទ៖ ចាន់រ៉ា