ព័ត៌មានជាតិ

អគ្គិភ័យឆេះហាងលក់សំលៀកបំពាក់ និងលក់ទូរស័ព្ទខូចខាតទ្រព្យសម្បត្តិទាំងស្រុង

បានផុស

៥ years មុន

នៅ

ថ្ងៃអង្គារ ១១ ឧសភា ២០២១

ដោយ

ហាងលក់សម្លៀកបំពាក់ និងទូរស័ព្ទដៃទំនើបមួយកន្លែងត្រូវបានអគ្គិភ័យឆាប់ឆេះអស់គ្មានសល់ដោយសារឆ្លងចរន្តអគ្គិសនី ។

ហេតុការណ៍គ្រោះអគ្គិភ័យនេះ កើតឡើងនៅថៃ្ងទី១១ ខែឧសភា ឆ្នាំ២០២១ នេះ ជាប់ផ្លូវជាតិលេខ៤ ស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ បណ្តាលឱ្យខូចខាតទ្រព្យសម្បត្តិ និងសម្ភារៈ អស់គ្មានសល់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានប្រាប់ឱ្យដឹងថា ម្ចាស់ហាងលក់សម្លៀកបំពាក់ និងទូរស័ព្ទទំនើប រងគ្រោះមានឈ្មោះឈ្មោះ ពេជ្រ សារឿន ភេទប្រុស ត្រូវអគ្គីភ័យឆេះអស់ផ្ទះទំហំ ៨ម៉ែត្រគុណ២១ម៉ែត្រ ជញ្ជាំថ្ម ដំបូលប្រក់ស័ង្គសី មានលក់ទូរស័ព្ទដៃ ស្បែកជើង ខោអាវ ដែលមានទីលំនៅភូមិ-ឃុំកើតហេតុ ។

នគរបាលបានឱ្យដឹងថា បន្ទាប់ពីមានករណីអគ្គិភ័យឆាបឆេះហាងលក់សម្លៀកបំពាក់ និងទូរស័ព្ទនោះរថយន្តពន្លត់អគ្គិភ័យរបស់នគរបាល ស្រុក សំរោងទង បានចេញជួយអន្ដរាគមន៍ភ្លាមៗ ដោយស្ថានភាពភ្លើងឆេះក៏ស្នើសុំរថយន្តពន្លត់អគ្គិភ័យស្នងការដ្ឋាននគរបាលខេត្តកំពង់ស្ពឺ និងរថយន្តពន្លត់អគ្គិភ័យ កងរាជអាវុធហត្ថខេត្តកំពង់ស្ពឺ ដើម្បីបាញ់ពន្លត់ទប់ស្កាត់កុំឱ្យមានការរាលដាលកាន់តែខ្លាំង ។