កូវីដ-១៩

រកឃើញមន្ត្រីសមត្ថកិច្ច មន្ត្រីសុខាភិបាល និងមន្ត្រីការពារជាតិ៤១នាក់ ឆ្លងជំងឺកូវីដ-១៩នៅរាជធានីភ្នំពេញ

បានផុស

៥ years មុន

នៅ

ថ្ងៃអង្គារ ១១ ឧសភា ២០២១

ដោយ

យោងតាមការបង្ហាញអត្តសញ្ញាណអ្នកវិជ្ជមានកូវីដ១៩នៅរាជធានីភ្នំពេញនៅថ្ងៃនេះ បានឲ្យដឹងថាក្នុងចំណោមអ្នកវិជ្ជមានជំងឺកូវីដ១៩ចំនួន២៥១នាក់នៅរាជធានីភ្នំពេញ ក្នុងនោះមានកងកម្លាំងប្រ ដាប់អាវុធ មន្ត្រីក្រសួងការពារជាតិ និងមន្ត្រីក្រសួងសុខាភិបាលប្រមាណ៤១នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ដដែលបានបន្តថា ក្នុងចំណោមអ្នកឆ្លងជាង៤១នាក់នោះ ក្នុងនោះមានមន្ត្រីក្រ សួងការពារជាតិចំនួន៤នាក់ មន្ត្រីក្រសួងសុខាភិបាលចំនួន៩នាក់ មន្ត្រីកងរាជអាវុធហត្ថចំនួន៣នាក់ មន្ត្រីបញ្ជាការដ្ឋានកងអង្គរក្សខេត្តកណ្តាលចំនួន៤នាក់ និងមន្ត្រីនគរបាលចំនួន២១នាក់។កាលពីម្សិលមិញរកឃើញមន្ត្រីនគរបាលចំនួន១៦នាក់នៅរាជធានីភ្នំពេញបានឆ្លងជំងឺកូវី១៩ផងដែរ។

លោក កើត ឆែ អភិបាលរងរាជធានីភ្នំពេញបានលើកឡើងកាលពីសប្តាហ៍កន្លងទៅនេះថា កងកម្លាំងប្រដាប់អាវុធ និងមន្ដ្រីមូលដ្ឋានមួយចំនួនបានឆ្លងជំងឺកូវីដ១៩ ពេលចុះចែកអំណោយជូនប្រជាពលរដ្ឋដែលរស់នៅតំបន់ក្រហម ក្នុងរាជធានីភ្នំពេញ។ មានមន្ដ្រីមួយចំនួនទៀតដែលយាម ឬប្រចាំការនៅតាមមណ្ឌលព្យាបាលជំងឺកូវីដ១៩ ក៏បានឆ្លងដូចគ្នាផងដែរ ខណៈមន្ដ្រីមួយចំនួនទៀត កំពុងជាប់ចត្តាឡីស័ក។

បើតាមក្រសួងក្រសួងសុខាភិបាលនៅថ្ងៃនេះបានរកឃើញអ្នកឆ្លងថ្មីចំនួន៤៨០នាក់ ក្នុងនោះជាករណីឆ្លងសហគមន៍ចំនួន៤៧០នាក់ អ្នកដំណើរមកពីបរទេសចំនួន១០នាក់ ជាសះស្បើយចំនួន៣៥០នាក់ និងស្លាប់០៥នាក់។

គួរបញ្ជាក់ថាគិតត្រឹមព្រឹកថ្ងៃទី១១ ខែឧសភា ឆ្នាំ២០២១ មានអ្នកឆ្លងជំងឺកូវីដ១៩ចំនួន២០២២៣នាក់អ្នកជាសះស្បើយចំនួន៨១៧០នាក់និងអ្នកស្លាប់ចំនួន១៣១នាក់៕

អត្ថបទ ៖ សំអឿន

Related Topics:ព្រឹត្តិការណ៍ ២០ កុម្ភៈ កូវីដ-១៩

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា