ព័ត៌មានជាតិ

ពលរដ្ឋ២០គ្រួសារទៀត នៅសង្កាត់វត្តភ្នំបានទទួលអំណោយពីអាជ្ញាធរខណ្ឌដូនពេញ

បានផុស

៥ years មុន

នៅ

ថ្ងៃអង្គារ ១៨ ឧសភា ២០២១

ដោយ

អាជ្ញាធរខណ្ឌដូនពេញ នៅព្រឹកថ្ងៃទី១៨ ខែឧសភានេះ បានបន្តចុះចែកអំណោយជូនប្រជាពលរដ្ឋខ្វះខាតស្បៀងអាហារចំនួន២០គ្រួសារទៀតរស់នៅសង្កាត់វត្តភ្នំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់ឲ្យលោក ម៉ុក ច័ន្ទករុណា អភិបាលរងខណ្ឌដូនពេញ បន្តចុះសាកសួរសុខទុក្ខ និងនាំយកនូវអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ មកចែកជូនបងប្អូនប្រជាពលរដ្ឋមានចំនួន២០គ្រួសារ ក្នុងសង្កាត់វត្តភ្នំ ខណ្ឌដូនពេញ ដោយក្នុងមួយគ្រួសារទទួលបាន អង្ករ២៥គីឡូក្រាម មីមួយកេស ទឹកសុីអីវមួយយួរ និង ត្រីខមួយយួរផងដែរ៕

អត្ថបទ ៖ រស្មី