កូវីដ-១៩

សម្តេចពិជ័យសេនា ទៀ បាញ់៖ បើទោះជាស្ថានភាពចម្លងមានការថមថយបន្តិច តែការគំរាមកំហែង នៅមានកម្រិតខ្ពស់គួរឲ្យបារម្ភ

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ សម្តេចពិជ័យសេនា ទៀ បាញ់ បានអះអាងនៅព្រឹកថ្ងៃទី១៩ ខែឧសភា នេះថា បើទោះបីជាស្ថានភាព នៃការចម្លងមេរោគកូវីដ-១៩ ហាក់មានការថមថយបន្តិច តែការគំរាមកំហែងនៅមានកម្រិតខ្ពស់គួរឱ្យបារម្ភ ជាមួយគ្នានោះ សម្តេចពិជ័យសេនា បានអំពាវនាវឲ្យបងប្អូនប្រជាពលរដ្ឋទាំងអស់ បន្តអនុវត្តឲ្យបានម៉ឺងម៉ាត់បំផុតនូវវិធានការ “៣ការពារ ៣កុំ” ដើម្បីការពារការចម្លង នៃជំងឺដ៏កាចសាហាវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចពិជ័យសេនា ទៀ បាញ់ បានបញ្ជាក់កាលពីម្សិលមិញដែរថា ក្នុងគ្រាអាសន្ន នៃការរាតត្បាតជំងឺកូវីដ-១៩នេះ កងយោធពលខេមរភូមិន្ទ បានឈរប្រកៀកស្មាយ៉ាងស្វាហាប់ ជាមួយកងទ័ពអាវស ដើម្បីភាពសុខសាន្តរបស់បងប្អូនប្រជាពលរដ្ឋយើង ដោយពួកគាត់បានលះបង់ភាពសុខសាន្តផ្ទាល់ខ្លួន និងត្រូវចាកឆ្ងាយពីគ្រួសារ ដើម្បីបុព្វហេតុការពារជាតិមាតុភូមិ។

សូមបញ្ជាក់ថា កាលពីម្សិលមិញ ក្រសួងសុខាភិបាលបានប្រកាសរកឃើញអ្នកឆ្លងថ្មីចំនួន៣៤៥នាក់, ជាសះស្បើយចំនួន១៣៣៧ នាក់ និងស្លាប់០២នាក់។ ក្នុងនោះ ករណីឆ្លងសហគមន៍មានចំនួន៣៤៤នាក់ និងអ្នកដំណើរចូលពីបរទេសចំនួន០១ នាក់។ គិតត្រឹមព្រឹក ថ្ងៃទី១៨ ខែឧសភា ឆ្នាំ២០២១ ប្រទេសកម្ពុជា បានរកឃើញអ្នកឆ្លងសរុបចំនួន២២៨៨៩នាក់, ជាសះស្បើយចំនួន១៤៣៤៣ នាក់ និងស្លាប់ចំនួន១៥៦ នាក់៕

អត្ថបទ៖ កោះកែវ

សូមចុចអាន៖ ខេត្តកំពង់ចាមរកឃើញអ្នកវិជ្ជមានជំងឺកូវីដ១៩ ចំនួន ៣៥ នាក់ ភាគច្រើនប៉ះពាល់ជាមួយកម្មកររោងចក្រ

Related Topics:សម្ដេចពិជ័យសេនា ទៀ បាញ់

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា