ជីវិតកម្សាន្ដ

ឆ្លងកាត់សុភមង្គលគ្រួសារ ហង្ស ម៉ារីនី ទម្លាយរឿងរ៉ាវដែលនារីៗគួរស្វែងយល់

បានផុស

៥ years មុន

នៅ

ថ្ងៃអង្គារ ៨ មិថុនា ២០២១

ដោយ

តារាស្រីអ្នកនាង ហង្ស ម៉ារីនី ខណ:ដែលរសាត់បាត់ឆ្ងាយពីសិល្ប:មួយរយ:ក្រោយសាងសុភមង្គលគ្រួសារជាមួយស្វាមីវ័យប្រហែលគ្នានោះ ឃើញថា បច្ចុប្បន្នចំណងស្នេហារបស់នាងកាន់តែផ្អែម ល្ហែម និងមានភាពរឹងមាំង។

ដោយសារតែហេតុផលនេះហើយទើបសម្ព័ន្ធភាពស្នេហាទទួលបានចំណងដៃកូនពីររបស់ ហង្ស ម៉ារីនី កាន់តែទទួលបានការគាំទ្រ និងសរសើរពីមហាជនគ្រប់មជ្ឈដ្ឋាន។ ទោះបីជាយ៉ាងណា ហង្ស ម៉ារីនី ជារឿយៗនាងតែងទម្លាយពីគន្លឹះមួយចំនួនសម្រាប់ការស្វែងយល់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារដ៏មានអត្ថន័យមួយ ដែលជាប្រយោជន៍សម្រាប់មនុស្សស្រីទូទៅត្រូវបាន ហង្ស ម៉ារីនី បង្ហាញដូច្នេះថា ចូរជ្រើសរើសមនុស្សប្រុសដែលប្រាប់ថា ចាំបងទៅទទួល ជាជាងអ្នកប្រាប់ថា មករកបងមក។ ចូរជ្រើសរើសមនុស្សប្រុសដែលទោះបីឈ្លោះគ្នាខ្លាំងប៉ុណ្ណា ក៏គេសុខចិត្តមកលួងយើង និងនៅក្បែរយើង ច្រើនជាងទុកឲ្យយើងត្រូវនៅម្នាក់។

ចូរជ្រើសរើសមនុស្សប្រុសដែលប្រាប់ថា ចាំបងជួយដោះស្រាយ ជាជាងអ្នកដែលធ្វើមិនដឹងហើយរង់ចាំឲ្យយើងរកវិធីដោះស្រាយខ្លួនឯង។ ចូរជ្រើសរើសមនុស្សប្រុសដែលតែងនិយាយអរគុណ និងសួរយើងថា ហត់ទេនៅពេលដែលយើងមើលថែគេ ជាជាងអ្នកដែលហីៗព្រោះគិតថា ទាំងអស់នោះគឺជាតួនាទីរបស់យើង។

ចូរជ្រើសរើសមនុស្សប្រុសដែលឱបយើង ឬនៅក្បែរយើងពេលយើងមានមានទុក្ខ ជាជាងអ្នកដែលចាំតែបន្ទោសយើងថែម។ ចុងក្រោយសូមជ្រើសរើសមនុស្សប្រុសដែលស្រលាញ់អ្នកជាខ្លួនអ្នក ហើយអ្នកក៏ស្រលាញ់គេជាខ្លួនគេ ព្រោះមិនថាដោយសារហេតុផលអ្វីក្ដីស្រលាញ់ គឺជាចម្លើយដ៏សំខាន់បំផុត ។

តាមរយ:បទពិសោធន៍ខាងលើនេះ អាចធ្វើឲ្យអ្នកគាំទ្រ និងទស្សនិកជនមួយចំនួនស្វែងយល់កាន់តែច្បាស់ អំពីរឿងរ៉ាវជីវិត ក៏ដូចជាការសាងសុភមង្គលគ្រួសារមួយដែលមានសេចក្តីសុខបំផុត៕

អត្ថបទ ៖ ចាន់រ៉ា