ព័ត៌មានជាតិ

សម្តេចតេជោហ៊ុនសែន៖ នៅអង់គ្លេស អាមេរិក អ្នកចាក់វ៉ាក់សាំងពីរដង នៅតែមានអ្នកឆ្លង អ្នកស្លាប់

បានផុស

៥ years មុន

នៅ

ថ្ងៃសៅរ៍ ២៤ កក្កដា ២០២១

ដោយ

ប្រមុខរដ្ឋាភិបាលបានថ្លែងថា នៅប្រទេសអភិវឌ្ឍដូចជាអង់គ្លេស និងអាមេរិក អ្នកចាក់វ៉ាក់សាំងពីរដូសរួច ក៏នៅតែមានអ្នកឆ្លង និងអ្នកស្លាប់ដោយកូវីដ។ នេះជាសារបញ្ជាក់របស់សម្តេចតេជោហ៊ុន សែន ក្នុងឱកាសទទួលវ៉ាក់សាំងកូវីដជាជំនួយរបស់រដ្ឋាភិបាលកម្ពុជាកាលពីរាត្រីថ្ងៃ ២៣ កក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោបានថ្លែងបញ្ជាក់យ៉ាងដូច្នេះថា៖ “ប្រទេសអ្នកមានៗដែលអួតពីប្រសិទ្ធភាពវ៉ាក់សាំងរបស់ខ្លួននោះសុទ្ធតែមានអ្នកស្លាប់ និងអ្នកឆ្លងជាបន្តបន្ទាប់ មិនមានតែប្រទេសកម្ពុជានោះទេ”។ ប្រមុខរដ្ឋាភិបាលបានបន្តថា ទោះបីអ្នកចាក់វ៉ាក់សាំងរួច ឬមិនទាន់ចាក់វ៉ាក់សាំង មានតែវិធានការ ៣ កុំ ៣ ការពារ ជាវិធីដ៏ល្អបំផុតសម្រាប់ការពារអាយុជីវិតមនុស្សគ្រប់គ្នា។

បើតាមប្រមុខរដ្ឋាភិបាល គ្រោងចាក់វ៉ាក់សាំងដល់ប្រជាពលរដ្ឋកម្ពុជាឲ្យបាន ១០ លាននាក់ត្រឹមខែតុលានេះ និងបន្តបើកយុទ្ធនាការចាក់វ៉ាក់សាំងដល់កុមារ និងយុវវ័យពីអាយុ ១២ ឆ្នាំ ដល់ ១៧ ឆ្នាំដែលមានប្រមាណជាង ២ លាននាក់។ សម្តេចតេជោបានថ្លែងថា ពេលនោះពលរដ្ឋប្រមាណ ១២ លាននាក់ស្មើ ៧៥%នៃចំនួនពលរដ្ឋសរុប នឹងទទួលបានការការពារពីជំងឺកូវីដ ១៩។

គិតត្រឹមល្ងាច ២៣ កក្កដា ឆ្នាំ ២០២១ យុទ្ធនាការចាក់វ៉ាក់សាំងដល់ប្រជាពលរដ្ឋកម្ពុជាចាប់ពីអាយុ ១៨ ឆ្នាំ បានជាង ៦ លាន ៥ សែននាក់ ស្មើ ៦៣ ភាគរយធៀបប្រជាជនគោលដៅ ១០ លាននាក់ ដែលបានទទួលការចាក់វ៉ាក់សាំងរួច។

រដ្ឋាភិបាលប្រកាសបន្តបើកយុទ្ធនាការចាក់វ៉ាក់សាំងដល់កុមារ និងយុវវ័យពីអាយុ ១២ ឆ្នាំដល់ ១៧ ឆ្នាំចាប់ពីថ្ងៃ ០១ សីហា ២០២១នេះតទៅ ដើម្បីបង្កើតភាពស៉ាំក្នុងសហគមន៍ ការពារសុខុមាលភាពប្រជាពលរដ្ឋ៕

អត្ថបទ៖ ប៊ុណ្ណារ៉ា

Related Topics: