បែកគ្នា៣ខែលឺគេខ្សឹបថា​ប្រពន្ធខ្លួនមានគេចូលស្ដី​ទាញ​កាំបិត​ប៉ងសម្លាប់ប្រពន្ធ

ភ្លើងប្រច័ណ្ឌខ្លាំងបុរសម្នាក់ហ៊ានប៉ុនប៉ងសម្លាប់ប្រពន្ធគ្រាន់តែគេនិយាយថាប្រពន្ធមានគេជិតចូលស្តីដណ្តឹងសំណាងណាស់មិនបានសម្រេចអ្នកជិតខាងចូលទៅជួយទាន់។

ហេតុការណ៍នេះបានកើតឡើងកាលពីវេលាម៉ោង ៥៖៣០ នាទី ថ្ងៃទី ២៧ ខែកក្កដា នៅភូមិកសិណ ឃុំថ្មពួក  ស្រុកថ្មពួក ខេត្តបន្ទាយមានជ័យ។

បុរសជនសង្ស័យជាប្ដីឈ្មោះ សឿន ច័ន្ទវិឈុន អាយុ ៣១ ឆ្នាំ ចំណែកប្រពន្ធឈ្មោះ ឈ្លាន ផល្លា អាយុ ៣០ ឆ្នាំ រស់នៅភូមិកើតហេតុ។

នាយការិយាល័យនគរបាលកម្រិតស្រាល លោក ពេជ្រ ប៊ុនធឿន បានឱ្យដឹងថា បុរសជនសង្ស័យបានសារ​ភាពប្រាប់ដំណើរឿងថា ពួកគេទាំង២នាក់ជាប្តីប្រពន្ធនិងគ្នា រយៈពេលជាង ១០ ឆ្នាំមកហើយ និងមានកូនប្រុសស្រី ២ នាក់ ដោយសារតែមិនចុះសម្រុងនិងគ្នាបែកគ្នាក៏បានបែកគ្នា៣ខែកន្លងមកហើយ តែមិនបានលែងលះគ្នានោះទេ ដោយប្រពន្ធមានជំងឺរោគស្បូន ហើយមកដេកនៅផ្ទះឪពុកម្តាយរបស់គេ ចំណែកប្តីនៅផ្ទះឪពុកម្តាយរបស់ខ្លួន។

ដោយសារប្រពន្ធមានជំងឺរោគស្បូនប្រពន្ធបានឱ្យប្ដីយកប្រពន្ធមួយទៀត តែប្ដីមិនទាន់យក។

នៅថ្ងៃកើតហេតុខ្លួនបានផឹកស្រាស្រវឹង ហើយមានគេប្រាប់ថាប្រពន្ធរបស់ខ្លួនមានគេប្រុងស្តីដណ្តឹងហើយ ធ្វើឲ្យខ្លួនមានកំហឹង ក៏ជិះម៉ូតូកាន់កាំបិតប៉័ងតោប៉ុនប៉ងសម្លាប់ប្រពន្ធចោលពេលមកដល់ផ្ទះឃើញនាងកំពុងដេកលើអង្រឹងក្រោមផ្ទះ មិនបានសួរនាំអ្វីក៏ចាប់សក់ក្បាលគម្រាមសម្លាប់ចោលឲ្យកូនកំព្រា តែត្រូវបងប្អូន និងអ្នកជិតខាងឃើញក៏មកប្រតាយប្រតប់ចាប់ដកយកកាំបិតតាំងតោបានប្តីរបួសត្រង់ក្បាលពេលប្រតាយប្រតប់គ្នា។

លោកវរសេនីយ៍ទោ ពេជ្រ ប៊ុនធឿន បានបញ្ជាក់ថាដោយផ្អែកលើចម្លើយសារភាព សាក្សីនៅកន្លែងកើតហេតុ និងមានវត្ថុតាងជាក់ស្តែង ជនសង្ស័យកម្លាំងនគរបាលជំនាញ ព្រហ្មទណ្ឌកំរិតស្រាលបានកសាង
សំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការបន្តតាមនិតិវិធីច្បាប់៕ ដោយៈ វ៉ាន់ ណាង