ព័ត៌មានជាតិ

អាជ្ញាធរខេត្តកំពង់ចាម បានត្រៀមមណ្ឌលចត្តាឡីស័ក និងកន្លែងព្យាបាលអ្នកជំងឺកូវីដ បន្ថែមទៀត

បានផុស

៥ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

អាជ្ញាធរខេត្តកំពង់ចាម បាននិងកំពុងត្រៀមមណ្ឌលចត្តាឡីស័ក និងកន្លែងព្យាបាលអ្នកជំងឺកូវីដ-១៩បន្ថែមទៀត ខណៈមានការឹតបន្តឹងវិធានសុខាភិបាលនិងស្រាវជ្រាវរកឃើញអ្នកមានវិជ្ជមានជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅព្រឹកថ្ងៃទី៣១ ខែកក្កដា ឆ្នាំ២០២១ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំក្រុមការងារខេត្ត និងមន្ត្រីពាក់ព័ន្ធអាជ្ញាធរមូលដ្ឋាន អញ្ជើញចុះពិនិត្យទីតាំងដែលត្រូវត្រៀមរៀបចំធ្វើជាកន្លែងពិនិត្យព្យាបាលអ្នកជំងឺកូវីដ១៩ និងត្រៀមរៀបចំមណ្ឌលចត្តាឡីស័ក បន្ថែមទៀត។

ក្នុងនោះដែរ អាជ្ញាធរខេត្តក្រោមការដឹកនាំពីឯកឧត្តម អ៊ុន ចាន់ដា អភិបាលខេត្តកំពង់ចាម បានសម្រេចត្រៀមយកទីតាំង ឃ្លាំងនៃមន្ទីរពាណិជ្ជកម្មខេត្ត ស្ថិតនៅសង្កាត់កំពង់ចាម ក្រុងកំពង់ចាម សម្រាប់ធ្វើជាមណ្ឌលចត្តាឡីស័ក ឬជាកន្លែងព្យាបាលបាលអ្នកជំងឺកូវដ-១៩ ក្នុងក្របខ័ណ្ឌខេត្តកំពង់ចាម ទីតាំងឃ្លាំងរោងចក្រមួយកន្លែង ស្ថិតក្នុងស្រុកកងមាស, ទីតាំងឃ្លាំងរោងចក្រមួយកន្លែង ក្នុងស្រុកកំពង់សៀមមួយកន្លែងទៀត បន្ថែមលើទីតាំងគរុកោសល្យភូមិភាគ ប្រសិនបើមានប្រជាពលរដ្ឋរកឃើញមានវីរុសកូវីដ-១៩បន្តបន្ទាប់ទៀត។

ជាមួយគ្នានេះដែរ អាជ្ញាធរខេត្តកំពង់ចាម ស្នើនិងអំពាវនាវឲ្យពលរដ្ឋបង្កើនការប្រុងប្រយ័ត្ន និងចេះអនាម័យ បើទោះបីចាក់វ៉ាក់សាំងបង្ការជំងឺកូវីដ១៩រួចក៏ដោយ សូមបន្តអនុវត្តឱ្យបានម៉ឺងម៉ាត់នូវវិធានការសុខាភិបាល «៣ការពារ និង ៣កុំ» ជាពិសេសការអនុវត្តកាតព្វកិច្ចពាក់ម៉ាស ការលាងសម្អាតដៃជាមួយសាប៊ូ អាល់កុល ឬជែលឲ្យបានញឹកញាប់ និងកាតព្វកិច្ចរក្សាគម្លាតសុវត្ថិភាពបុគ្គល ស្របតាមសេចក្តីជូនដំណឹងរបស់ក្រសួងសុខាភិបាល ក្នុងអំឡុងពេល នៃការឆ្លងរាលដាល នៃវីរុសកូវីដ១៩ បម្លែងថ្មី ប្រភេទដែលតា (Deilta) កុំឲ្យឆ្លងរីករាលដាលចូលក្នុងសហគមន៍យើង៕

អត្ថបទ៖ ហុង ម៉េងហៀ

Related Topics:ខេត្តកំពង់ចាម

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា