ព័ត៌មានអន្ដរជាតិ
តាលីបង់ រត់ពន្ធគ្រឿងសព្វាវុធនិងរថពាសដែកអាមេរិក ចូលទៅ ប៉ាគីស្ថាន ដើម្បីលក់ឲ្យភេរវករ យកលុយធ្វើសង្គ្រាម
គ្រឿងសព្វាវុធរបស់យោធាអាមេរិក ដែលមានតម្លៃរាប់លានដុល្លារ កំពុងត្រូវបាននាំចេញពីប្រទេសអាហ្វហ្គានីស្ថាន ដោយបណ្តាញតាលីបង់។
![](https://www.kampucheathmey.com/wp-content/uploads/2021/08/1_PROD-2021-08-22-20-03-03-1024x576.jpg)
រថយន្ត Humvee និងរថពាសដែករបស់កងទ័ពអាមេរិកផ្សេងទៀតទាំងជួរៗ ត្រូវបានគេមើលឃើញ កំពុងដឹកចូលទៅក្នុងប្រទេសប៉ាគីស្ថាន។
រថយន្តជាច្រើន នឹងត្រូវលក់ទៅឲ្យបណ្តាញភេរវកម្ម ដើម្បីយកប្រាក់មកពង្រឹង សមត្ថភាពធ្វើសង្គ្រាមរបស់ក្រុមតាលីបង់ ដែលនឹងត្រូវចំណាយអស់ទឹកប្រាក់រាប់ពាន់លានដុល្លារ។
![](https://www.kampucheathmey.com/wp-content/uploads/2021/08/1_PROD-2021-08-22-20-03-03-1.jpg)
រូបភាពនៃក្បួនរថយន្តមួយបានបង្ហាញពី រថយន្តយោធាកំពុងត្រូវបានគេបញ្ជូនទៅកាន់ទីក្រុង Quetta ក្នុងប្រទេសប៉ាគីស្ថាន ដែលទីនោះត្រូវបានគេជឿជាយូរមកហើយថា ជាទីបញ្ជាការរបស់ក្រុមតាលីបង់អាហ្វហ្គានីស្ថាន។
មានការសង្ស័យថា ទីភ្នាក់ងារស៊ើបការណ៍សម្ងាត់អន្តរសេវាកម្ម របស់ប៉ាគីស្ថាន បានជួយសម្រួលដោយសម្ងាត់ ចំពោះការនាំចេញរថយន្តយោធាអាមេរិក។
![](https://www.kampucheathmey.com/wp-content/uploads/2021/08/1_PROD-2021-08-22-20-03-03-2.jpg)
ប្រភពមួយនិយាយថា “ឥឡូវនេះ តាលីបង់ហាក់ដូចជាមានសម្ភារច្រើនណាស់ ដែលបន្សល់ទុកដោយកងទ័ពអាហ្វហ្គានីស្ថាន ហើយទាំងនោះគឺជាសម្ភារដែលអាមេរិកផ្តល់ឲ្យ”។
ទីក្រុងសមរភូមិជួរមុខ Quetta របស់ប្រទេសប៉ាគីស្ថាន ត្រូវចំណាយពេលបើកបរ ៣ ម៉ោងពីទីក្រុង Kandahar ហើយជាកន្លែងលាក់ខ្លួនរបស់ក្រុមភេរវករ និងការជួញដូរគ្រឿងញៀនជាពិសេសហេរ៉ូអ៊ីន។
![](https://www.kampucheathmey.com/wp-content/uploads/2021/08/53270ed6ae3c9.jpg)
ភាគច្រើននៃប្រជាជនរបស់ខ្លួនគឺជាជនជាតិ Pashtoun ដែលជាកុលសម្ព័ន្ធដូចតាលីបង់ដែរ ហើយគេជឿថា ក្រុមប្រឹក្សាដឹកនាំរបស់តាលីបង់ឈ្មោះ Quetta Shura គឺមានមូលដ្ឋាននៅទីនោះ។
ឥស្សរជនតាលីបង់បានរត់គេចខ្លួនទៅ Quetta នៅពេលដែលពួកគេត្រូវនិរទេសក្នុងការវាយលុកដោយសហរដ្ឋអាមេរិកបន្ទាប់ពីថ្ងៃទី១១ខែកញ្ញា ហើយប្រាក់ជាច្រើនពីម្ចាស់ជំនួយឈូងសមុទ្រពែក្ស ទៅឲ្យតាលីបង់ គឺត្រូវបានផ្តល់ឲ្យតាមរយៈទីក្រុង Quetta នេះ៕
ប្រែសម្រួល៖ Vann Vann
ប្រភព៖ Mirror
ចុចអាន៖ តាលីបង់ព្រមានហើយ បើអាមេរិក មិនចេញឲ្យអស់ពី អាហ្វហ្គានីស្ថាននៅសប្តាហ៍ក្រោយ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៦ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ