ព័ត៌មានអន្ដរជាតិ
តាលីបង់ព្រមានហើយ បើអាមេរិក មិនចេញឲ្យអស់ពី អាហ្វហ្គានីស្ថាននៅសប្តាហ៍ក្រោយ
ក្រុមតាលីបង់បានព្រមានកាលពីថ្ងៃចន្ទទី២៣ខែសីហាថា នឹងមានផលវិបាក ប្រសិនបើសហរដ្ឋអាមេរិកនិងសម្ព័ន្ធមិត្តរបស់ខ្លួន នៅតែបន្តវត្តមានរបស់ពួកគេក្នុងប្រទេសអាហ្វហ្គានីស្ថានហួសពីសប្តាហ៍ក្រោយ ខណៈភាពវឹកវរនៅតែកើតឡើងក្នុងអាកាសយានដ្ឋានក្រុង កាប៊ុល។
ការកាន់កាប់ប្រទេសដោយក្រុមសកម្មប្រយុទ្ធនេះកាលពីចុងសប្តាហ៍មុន បានធ្វើឲ្យលោកខាងលិចមានការភ្ញាក់ផ្អើលយ៉ាងខ្លាំង ហើយវាបានកើតឡើងត្រឹមតែពីរសប្តាហ៍ប៉ុណ្ណោះ មុនថ្ងៃផុតកំណត់ទី៣១ខែសីហា សម្រាប់កងទ័ពទាំងអស់ដកចេញពីប្រទេស។
ដើម្បីគ្រប់គ្រងភាពវឹកវរនៃការជម្លៀសជនបរទេសនិងជនជាតិអាហ្វហ្គានីស្ថាន ទាហានរាប់ពាន់នាក់បានចូលទៅក្នុងប្រទេសអាហ្វហ្គានីស្ថានវិញ ហើយមានសម្ពាធយ៉ាងខ្លាំងឲ្យទីក្រុងវ៉ាស៊ីនតោន ពន្យារពេលកំណត់។
ប៉ុន្តែក្រុមតាលីបង់ មិនបានបង្ហាញឆន្ទៈក្នុងការសម្របសម្រួលលើការដកទ័ពអាមេរិកទេ។
អ្នកនាំពាក្យក្រុមតាលីបង់ លោក Suhail Shaheen បានប្រាប់ទូរទស្សន៍ Sky News កាលពីថ្ងៃចន្ទថា “ប្រសិនបើសហរដ្ឋអាមេរិកឬចក្រភពអង់គ្លេស ស្វែងរកពេលវេលាបន្ថែមដើម្បីបន្តការជម្លៀសប្រជាជននោះ ចម្លើយគឺ ទេ បើមិនដូច្នោះទេ នឹងមានផលវិបាក”។
លោកបានបន្ថែមថា ការស្នាក់នៅលើសពីពេលវេលាកំណត់ដែលបានព្រមព្រៀងគ្នា គឺជាការ “ពង្រីកការកាន់កាប់”។
ស្របពេលជាមួយគ្នានោះដែរ ប្រភពតាលីបង់ចំនួនពីរបានប្រាប់ AFP ថា ក្រុមនេះនឹងមិនប្រកាសពីការបង្កើតរដ្ឋាភិបាល ឬគណៈរដ្ឋមន្ត្រីរបស់ខ្លួនឡើយ រហូតដល់ទាហានអាមេរិកចុងក្រោយបង្អស់ ចាកចេញពីប្រទេស៕
ប្រែសម្រួល៖ Vann Vann
ប្រភព៖ CNA
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៦ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ