KPT+
ហេតុផលអ៊ីចឹងតាស! បានអ្នកជំនាញណែនាំថា ផ្ទះត្រូវតែស្អាត និងរៀបរយ
ក្រោយបំពេញការងារហត់ពេញមួយថ្ងៃ ស្រាប់តែមកដល់ផ្ទះ អស់អារម្មណ៍អាលីង រញ៉េរញ៉ៃ ចានឆ្នាំង ខោអាវកខ្វក់ ពាសពេញផ្ទះ កុំថាឡើយចង់អង្គុយលេង សូម្បីតែគេងក៏គ្មានអារម្មណ៍ដែរ មិនអ៊ីចឹង? ហេតុនេះហើយ ទើបអ្នកជំនាញលើកឡើងថា ផ្ទះ និងបន្ទប់គេង គឺកន្លែងសម្រួលអារម្មណ៍ល្អបំផុត ត្រូវតែមានរបៀបរៀបរយ ដើម្បីបង្កើនបរិយាកាសស្រស់ថ្លា ខណៈចំណុចសំខាន់ទាំង ៤ ចាំបាច់ត្រូវមានគឺ៖
១- រៀបចំឲ្យមានពន្លឺត្រឹមត្រូវ
ពន្លឺព្រះអាទិត្យបែបធម្មជាតិ ជួយឲ្យរាងកាយផលិត វីតាមីន D អ័រម៉ូនសេរ៉ូតូនីន (អ័រម៉ូនភាពរីករាយ) និងមេឡាតូនីន និងអាចបង្កើនផលិតភាពក្នុងការងារបានល្អ គួរតែមានគ្រប់គ្រាន់ នៅក្នុងបរិយាកាសក្នុងផ្ទះ។ ពន្លឺល្មមៗត្រឹមត្រូវ សំដៅលើពន្លឺគ្រប់គ្រាន់ មិនចាំងខ្លាំង និងមិនខ្សោយពេក ។ ដោយពន្លឺល្មម ជួយឲ្យរាងកាយ ផលិតអ័រម៉ូនខាងលើ នាំឲ្យយើងទទួលបានភាពស្ងប់សុខ និងស្រស់ស្រាយឡើងវិញ។
២. ជញ្ជាំងមាំ មិនឮសំឡេងរំខាន
អ្នកជំនាញជាច្រើន លើកឡើងថា នៅពេលរាងកាយព័ទ្ធជុំវិញទៅដោយបរិយាកាស កក់ក្តៅ មិនសូវឮសំឡេងរំខានពីខាងក្រៅ នាំឲ្យរាងកាយអាចសម្រាកបានសុខស្រួល។ ពិសេសជាងនេះ អ្នកជំនាញលើកឡើងថា សម្រាប់ការតុបតែងបន្ទប់ គួរតែចេះជ្រើសយកពណ៌លើជញ្ជាំង មានសភាពភ្លឺ មិនស្រអាប់ ហើយរើសយកពណ៌តែមួយ ឬពីរ មករចនាបន្ទប់ អាចជួយឲ្យអារម្មណ៍ស្ងប់ បាត់អស់ភាពនឿយហត់ពេញមួយថ្ងៃ។
៣- ក្លិនក្នុងបន្ទប់
ការសិក្សាបានបង្ហាញថា ក្លិនឡាវែនឌើ (Lavender) ជាក្លិនមួយ នាំអារម្មណ៍ឲ្យបានស្ងប់ តែអ្នកជំនាញចិត្តសាស្រ្ត ណែនាំថា ការជ្រើសយកក្លិនណាមួយដាក់ក្នុងបន្ទប់ ឬផ្ទះ ត្រូវតែសក្តិសមនឹងអារម្មណ៍យើង និយាយឲ្យចំ យើងចូលចិត្តក្លិនអី ប្រើក្លិននោះទៅ អាចជួយរំឮកយើងនូវអនុស្សាវរីយល្អៗ វិស្សមកាលសប្បាយៗ ដែលជាវិធីសាស្ត្រសម្រួលអារម្មណ៍យ៉ាងមានប្រសិទ្ធិភាព។
៤- បន្ទប់មានសណ្តាប់ធ្នាប់ល្អ
ពិតណាស់ អ្នកជំនាញផ្នែករៀបចំ រចនា និងតុបតែងគេហដ្ឋាន លោកស្រី Stacy Thomes បានឲ្យដឹងថា ការរៀបចំផ្ទះ និងបន្ទប់គេងឲ្យមានសណ្តាប់ធ្នាប់ មិនត្រឹមតែជួយឲ្យយើងមានអារម្មណ៍ល្អប៉ុណ្ណោះទេ ថែមទាំងសម្រួលអារម្មណ៍ឲ្យឆ្ងាយពីភាពស្រ្តេស តប់ប្រមល់ទៀតផង។ ព្រោះថា បើបន្ទប់កាន់តែរញ៉េរញ៉ៃ អារម្មណ៍តានតឹងកាន់តែខ្លាំង ហើយស្រ្តេសក៏កាន់តែស្រ្តេសលើសដើម ជាហេតុនេះឲ្យយើងមិនចង់ត្រឡប់មកផ្ទះ ទោះធ្វើការងារនឿយហត់ប៉ុនណាក៏ដោយ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ស្ថានភាពសណ្ដាប់ធ្នាប់ក្នុងផ្ទះក៏អាចបញ្ជាក់ពីកម្រិតជំងឺផ្លូវចិត្តរបស់មនុស្ស
ចុចអាន៖ រៀបចំមិនត្រឹមត្រូវ ផ្ទះនឹងក្លាយជាកន្លែងបង្កជំងឺធ្លាក់ទឹកចិត្ត
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ