ព័ត៌មានជាតិ

អាជ្ញាធរខណ្ឌដូនពេញដាក់កម្លាំងទប់ស្កាត់បទល្មើសផ្សេងៗ ក្នុងមូលដ្ឋាន

បានផុស

៥ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

ដើម្បីទប់ស្កាត់រាល់បទល្មើសផ្សេងៗ ជាពិសេសពង្រឹងច្បាប់ចរាចរផ្លូវគោកផងនោះ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានបន្តឲ្យកម្លាំងមានសមត្ថកិច្ចចុះពិនិត្យអាវុធជាតិផ្ទុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅយប់ថ្ងៃទី១០ ខែវិច្ឆិកា ឆ្នាំ២០២១ ចាប់ពីម៉ោង២០និង០០នាទី ដល់ម៉ោង២២និង០០នាទីយប់ កម្លាំងគណៈបញ្ជាការឯកភាពខណ្ឌដូនពេញ ដឹកនាំដោយលោក ចាប ឌីណា នាយករដ្ឋបាលខណ្ឌដូនពេញ តំណាងលោក សុខ ពេញវុធ អភិបាលនៃគណៈអភិបាលខណ្ឌដូនពេញ បានដាក់គោលដៅត្រួតពិនិត្យអាវុធជាតិផ្ទុះនៅមុខអគ្គិសនីកម្ពុជា ស្ថិតនៅផ្លូវលេខ១៩ កែងផ្លូវលេខ៩៤ សង្កាត់វត្តភ្នំ ខណ្ឌដូនពេញ ដែលមានកម្លាំងចូលរួមសរុប២៤នាក់ ក្នុងនោះមានកម្លាំងនគរបាលខណ្ឌចំនួន០៩នាក់ កម្លាំងកងរាជអាវុធហត្ថខណ្ឌចំនួន០៧នាក់ កម្លាំងសណ្តាប់ធ្នាប់ខណ្ឌចំនួន០៨នាក់។

លទ្ធផលត្រួតពិនិត្យមធ្យោបាយឆ្លងកាត់សរុបចំនួន១១០គ្រឿង ក្នុងនោះមានត្រួតពិនិត្យរថយន្តឆ្លងកាត់ចំនួន៤៧គ្រឿង និងត្រួតពិនិត្យម៉ូតូឆ្លងកាត់ចំនួន៦៣គ្រឿង។ ចំណែអាវុធមិនមានការឆ្លងកាត់នោះទេ៕

អត្ថបទ៖ រស្មី