កីឡា

ពិតជាអស្ចារ្យណាស់! កម្ពុជា ឈ្នះ ថៃ ឡើងវគ្គផ្តាច់ព្រ័ត្រ SEA V. League 2026

បានផុស

២ ម៉ោង មុន

នៅ

ថ្ងៃសៅរ៍ ១៨ កក្កដា ២០២៦

ដោយ

ក្រុមបាល់ទះជម្រើសជាតិកម្ពុជា ពិតជាធ្វើបានល្អខ្លាំងមែនទែនដោយទម្លាក់ថៃ នៅវគ្គពាក់កណ្តាលផ្តាច់ព្រ័ត្រ ដើម្បីឡើងវគ្គផ្តាច់ព្រ័ត្រ ពានរង្វាន់ SEA V. League ឆ្នាំ ២០២៦ នៅប្រទេសហ្វីលីពីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្តើមការប្រកួត ក្រុមកម្ពុជា ធ្វើបានយ៉ាងល្អដោយឈ្នះដោយពិន្ទុ ២៥-២១ ខណៈសិតទី២ ថៃ បានយកឈ្នះវិញដោយពិន្ទុ ១៦-២៥ ប៉ុន្តែសម្រាប់សិតទី៣ និងទី៤ កម្ពុជា បានយកឈ្នះដោយពិន្ទុ ២៥-២៣ និង ២៥-២៧។

នេះជាលើកទី១ នៅក្នុងប្រវត្តិសាស្ត្របាល់ទះជម្រើសជាតិកម្ពុជា នៅក្នុងសម័យថ្មី ដែលបានយកឈ្នះថៃ ដោយលទ្ធផល ៣-១ (៣ទល់១)។ កម្ពុជា ធ្លាប់បានឈ្នះ ថៃ ពីរលើកក្នុងព្រឹត្តិការណ៍កីឡាស៊ីហ្គេម ដែលកាលលើកទី១ ឆ្នាំ ២០២១ ឈ្នះដោយលទ្ធផល ៣-២ នៅប្រទេសវៀតណាម និងលើកទី២ ឈ្នះដោយលទ្ធផល ៣-២ នៅប្រទេសកម្ពុជា ឆ្នាំ ២០២៣។

វគ្គសំខាន់ៗបែបនេះ កម្ពុជា ធ្លាប់ឈ្នះ ថៃ ៣ លើកហើយគឺលើកទី១ ឈ្នះ ថៃ នៅវគ្គដណ្តើមមេដាយសំរិទ្ធ ក្នុងកីឡាស៊ីហ្គេម ឆ្នាំ ២០២១, លើកទី២ កម្ពុជា ឈ្នះ ថៃ វគ្គពាក់កណ្តាលផ្តាច់ព្រ័ត្រ កីឡាស៊ីហ្គេម ឆ្នាំ ២០២៣ និងចុងក្រោយនេះ ឈ្នះ ថៃ វគ្គពាក់កណ្តាលផ្តាច់ព្រ័ត្រ ពាន SEA V. League 2026៕

សម្រាប់ជ័យជម្នះ ៣-១ ដើម្បីទម្លាក់ថៃនៅវគ្គពាក់កណ្តាលផ្តាច់ព្រ័ត្រនេះ កម្ពុជា បានឡើងទៅកាន់វគ្គផ្តាច់ព្រ័ត្រ ពានរង្វាន់ SEA V. League ឆ្នាំ ២០២៦ ដោយត្រូវរង់ចាំក្រុមឈ្នះ រវាង ឥណ្ឌូណេស៊ី និង វៀតណាម៕