ព័ត៌មានជាតិ

មនុស្សជាង៣ពាន់នាក់ មកពិនិត្យបញ្ជីឈ្មោះបោះឆ្នោតថ្មីនៅកោះកុង

បានផុស

៥ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

ប្រជាពលរដ្ឋចំនួន៣,១០១នាក់ នៅខេត្តកោះកុង បានអញ្ជើញមកត្រួតពិនិត្យ និងចុះឈ្មោះបោះឆ្នោតសម្រាប់ឆ្នាំ២០២១នេះ បើតាមប្រធានលេខាធិការដ្ឋានរៀបចំការបោះឆ្នោតខេត្តនៅសល់តែ១៦ភាគរយទៀតទេ នឹងសម្រេចតាមតួលេខប៉ាន់ស្មានរបស់ខ្លួន។

លទ្ធផលបណ្តោះអាសន្នបង្ហាញថា ពលរដ្ឋប្រុសស្រី ក្មេងចាស់ប្រមាណ៣,១០១នាក់ ស្មើនឹង៨៤ភាគរយហើយដែលមកកាន់សាលាឃុំសង្កាត់ ដើម្បីពិនិត្យបញ្ជីឈ្មោះ និងចុះឈ្មោះបោះឆ្នោតថ្មីទៅការផ្សព្វផ្សាយរបស់គជប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រសៀលថ្ងៃទី១០ ខែវិច្ឆិកា ម្សិលមិញនេះ លោក សេង នេង ប្រធានលេខាធិការដ្ឋានរៀបចំការបោះឆ្នោតខេត្តកោះកុងឱ្យដឹងថា រយៈពេល២៨ថ្ងៃនៃដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ពលរដ្ឋក្នុងចំនួនច្រើនផុលផុសមកបំពេញកាតព្វកិច្ចរបស់ពួកគេរៀងៗខ្លួននៅតាមការិយាល័យដែលបានកំណត់ទុក។

លោក សេង នេង បន្ថែមដែរថា ក្នុងចំណោមនោះ ក៏មានអ្នកផ្ទេរចូលពីក្រៅមូលដ្ឋានចំនួន១.២៣២នាក់ និងអ្នកប្តូរការិយាល័យក្នុងឃុំសង្កាត់ចំនួន១០៥នាក់។ អ្នកដែលត្រូវលុបចេញពីបញ្ជីឈ្មោះមានសរុប១.១៨១នាក់ រួមមាន៖ អ្នកស្លាប់ អ្នកដកសិទ្ធិ ផ្លាស់ចេញ និងប្តូរការិយាល័យក្នុងឃុំសង្កាត់ជាដើម។

តាមការវាយតម្លៃបឋមរបស់លេខាធិការដ្ឋានរៀបចំការបោះឆ្នោតខេត្ត កត់សម្ភាល់ថា បាតុភាពនៃដំណើរការពិនិត្យ និងចុះបញ្ជីឈ្មោះបោះឆ្នោតថ្មីអំឡុង២៨ថ្ងៃមក គឺបានប្រព្រឹត្តដោយរលូនជោគជ័យនឹងអ្វីជាតួលេខប៉ាន់ស្មានទុកមុន ដូច្នេះនៅសេសសល់តែ១៦ភាគរយទៀតប៉ុណ្ណោះទេ។

តួលេខប្រមាណទុករបស់មន្ត្រីបម្រើដល់ការងារបោះឆ្នោតមានជិត៤ពាន់នាក់នឹងធ្វើបច្ចុប្បន្នភាពថ្មី។ និយាយពីកិច្ចសហការរវាងអ្នកបច្ចេកទេស និងអាជ្ញាធរពាក់ព័ន្ធវិញ ក៏រួមគ្នាបម្រើការងារប្រកបដោយប្រសិទ្ធិភាពផងដែរទាំងខាងលក្ខណៈបច្ចេកទេស ក៏ដូចជាសន្តិសុខសណ្តាប់ធ្នាប់។

ខេត្តកោះកុង មានការិយាល័យចុះឈ្មោះបោះឆ្នោតតាមឃុំសង្កាត់ចំនួន២៩ការិយាល័យ និងមន្ត្រីបុគ្គលិកបម្រើដល់ការងារស្នូរនេះសរុប១០៦នាក់។ ជាក់ស្តែង ១៩ថ្ងៃទៀតទេ ដំណើរការត្រួតពិនិត្យបញ្ចីឈ្មោះ និងការចុះឈ្មោះបោះឆ្នោតថ្មីឆ្នាំ២០២១ នឹងត្រូវបិទបញ្ចប់ហើយ។

គិតមកទល់ម៉ោងនេះនៅមិនទាន់មានការតវ៉ាណាមួយដែរពីបណ្តាគណបក្សនយោបាយឬអ្នកសង្កេតការណ៍។ បញ្ហាប្រឈមខ្លាំងគឺមានភ្លៀងខ្យល់ធ្លាក់ច្រើន រីឯបញ្ហាសេវាអីនធឺណេតសម្រាប់បញ្ចូនទិន្នន័យយឺតយ៉ាវ ខណៈតំបន់ឆ្ងាយដាច់ស្រយោលពីប្រជុំជន៕

អត្ថបទ៖ សិរីវឌ្ឍនៈ