ថៃ បន្តតាមរកទេសចរអាហ្វ្រិក ជាង១០០នាក់ មកធ្វើតេស្តរក Omicron

អាជ្ញាធរថៃ នៅតែកំពុងស្វែងរកមនុស្សចំនួន១២៣នាក់ ដែលមកពីប្រទេសណាមួយក្នុងចំណោមប្រទេសទាំង៨នៅទ្វីបអាហ្វ្រិកភាគខាងត្បូង ដើម្បីធ្វើតេស្តរកមើលថាតើពួកគេមានផ្ទុកវីរុសកូវីដ១៩បំប្លែងខ្លួនប្រភេទថ្មីដែរឬក៏អត់ឬអត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លេខាធិការក្រសួងសុខាភិបាលថៃ លោក Kiattiphum Wongrajit បាននិយាយកាលពីថ្ងៃសុក្រថា អាជ្ញាធរកំពុងប្រើគ្រប់មធ្យោបាយក្នុងការព្យាយាមទាក់ទងជាមួយពួកគេ ដូចជា SMS អ៊ីមែល ការហៅទូរសព្ទ និងកម្មវិធីទូរសព្ទ (App) ជាដើម។

ពួកគេចាំបាច់ត្រូវទាក់ទងមន្ត្រី សម្រាប់ការធ្វើតេស្ត RT-PCR រកវីរុសបំប្លែងខ្លួន Omicron។

លោកបន្តថា អ្នកធ្វើដំណើរទាំងនោះគឺមកពីប្រទេស បុតស្វាណា, អេស្វាទីនី, ឡេសូតូ, ម៉ាឡាវី, ម៉ូសំប៊ិក, ណាមីប៊ី, អាហ្វ្រិកខាងត្បូង ឬ ស៊ីមបាវ៉េ ហើយបានចូលប្រទេសថៃនៅចន្លោះថ្ងៃទី ១៥ ដល់ ២៧ ខែវិច្ឆិកា តាមរយៈអាកាសយានដ្ឋានក្នុងទីក្រុងបាងកក និងភូកេត។

គួរបញ្ជាក់ថា មានអ្នកដំណើរសរុបចំនួន ៣៣៣ នាក់មកពីប្រទេសទាំង ៨ បានចូលប្រទេសថៃក្នុងអំឡុងពេលនោះ។ ៦១នាក់បានចាកចេញពីប្រទេសរួចហើយ ហើយ ១០៥ នាក់បានបញ្ចប់កម្មវិធីដាក់ឲ្យនៅដាច់ពីគេ និងស្នាក់នៅក្នុងប្រទេសនេះរយៈពេលជាងពីរសប្តាហ៍៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ WHO ប្រាប់ប្រទេសអាស៊ីប៉ាស៊ីហ្វិក ត្រៀមខ្លួនឲ្យហើយ ចំពោះការផ្ទុះវីរុស Omicron