សុខភាព

ដុកទ័របកស្រាយលម្អិត Omicron ឆ្លងប៉ុន្មានថ្ងៃ ទើបបង្ហាញរោគសញ្ញាឲ្យដឹងខ្លួន

បានផុស

៤ years មុន

នៅ

ថ្ងៃព្រហស្បតិ៍ ២៤ កុម្ភៈ ២០២២

ដោយ

សាង ស្រីល័ក្ខ

ខណៈការកើនឡើងនៃ Omicron កំពុងតែក្លាយជាពូជចម្លងលឿន ដែលធ្វើឲ្យមនុស្សជាច្រើនព្រួយបារម្ភ ពីសុខភាពផ្ទាល់ខ្លួនជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ កាន់តែមានភាពមិនស្រួលនោះគឺ ជំងឺផ្ដាសាយ ។ ដូច្នេះសម្រាប់អ្នកមិនច្បាស់លាស់ អាចសាកល្បងពិនិត្យមើលថា តើយើងបានឆ្លង Omicron ដែរឬទេ? តើរោគសញ្ញាដែលអាចសង្កេតបាន នៅពេលណា? តើអ្នកឆ្លងភាគច្រើន មានរោគសញ្ញាអ្វីខ្លះ នៅដំណាក់កាលដំបូង ?

ចំពោះបញ្ហានេះ វេជ្ជបណ្ឌិត Teera Woratanarat មកពីមហាវិទ្យាល័យវេជ្ជសាស្ត្រ សាកលវិទ្យាល័យ Chulalongkorn ដោយយោងទៅលើរបាយការណ៍សិក្សា SARS-CoV-2 ដែលកំពុងស៊ើបអង្កេតនៅប្រទេសអង់គ្លេស HSA បានបង្ហាញតាមរយៈទំព័រហ្វេសប៊ុកផ្ទាល់ខ្លួនថា Omicron មានរយៈពេលភ្ញាស់ខ្លីជាងពូជមុនៗ។ ជាមធ្យម រោគសញ្ញាចាប់ផ្តើមក្នុងរយៈពេល ៣-៤ ថ្ងៃបន្ទាប់ពីការឆ្លង ឬអាចមានរោគសញ្ញាក្នុងរយៈពេល៩ថ្ងៃ អាស្រ័យលើស្ថានភាពរាងកាយរបស់មនុស្សម្នាក់ៗ ។

ដូច្នេះបើមាននរណាម្នាក់ បានទាក់ទងអ្នកដែលឆ្លងកូវីដពីមុនមក គួរតែមើល និងសង្កេតអាការដោយខ្លួនឯង រយៈពេល១០ថ្ងៃទៀត ទើបដឹងច្បាស់។ ជាពិសេស Omicron មានទំនោរទៅតាំងនៅកោសិកាក្នុងជញ្ជាំងនៃបំពង់ក នៅពេលនិយាយ ស្រែក ក្អក កណ្ដាស់ អាចរីករាលដាលយ៉ាងងាយស្រួល និងឆាប់រហ័ស។ អ្នកឆ្លងអាចចម្លងមេរោគបាន ទោះបីជាពួកគេមិនបង្ហាញរោគសញ្ញាអ្វីក៏ដោយ។ រយៈពេលឆ្លងច្រើនបំផុតគឺ ១-២ ថ្ងៃ មុនពេលរោគសញ្ញាលេចឡើង។ ម៉្យាងទៀត ប្រសិនបើរោគសញ្ញាត្រូវបានបង្ហាញ ការឆ្លងគឺឆ្លងច្រើនបំផុតក្នុងរយៈពេល ២-៣ ថ្ងៃ បន្ទាប់ពីការចាប់ផ្ដើមនៃជំងឺ។

ដើម្បីកាន់តែច្បាស់បន្ថែមទៀត សូមសង្កេតមើលពីរោគសញ្ញា omicron ទូទៅគឺ៖

– ហៀរសំបោរ

– កណ្តាស់

– ឈឺក្បាល

– អស់កម្លាំង

– ឈឺសាច់ដុំស្រាល

– ឈឺក

– អាចមានការបែកញើសពេលយប់។

ទោះយ៉ាងណាក៏ដោយ មនុស្សមួយចំនួនអាចមានការឈឺចាប់នៅផ្នែកខាងក្រោមខ្នង ហើយកម្រនឹងបាត់បង់រសជាតិ ឬក្លិន ដូចជាប្រភេទវីរុសបំប្លែងខ្លួនផ្សេងទៀតណាស់។ ប្រសិនបើអ្នកណាម្នាក់ មានប្រវត្តិប្រឈមមុខនឹងហានិភ័យខ្ពស់ ឬនៅក្នុងតំបន់ដែលមានហានិភ័យ គួរតែមានការពិនិត្យ RT-PCR ជាប្រញាប់ ៕

ប្រែសម្រួល៖ សាង ស្រីល័ក្ខ

ចុចអាន៖វេជ្ជបណ្ឌិតប្រាប់មូលហេតុ អ្នកខ្លះប៉ះពាល់អ្នកជំងឺកូវីដ តែមិនឆ្លង ឬមិនចេញរោគសញ្ញាទាល់តែសោះ

ចុចអាន៖ពិនិត្យមើលអាការឲ្យច្បាស់ ភាពខុសគ្នា រវាង Omicron គ្រុនផ្ដាសាយ និង គ្រុនឈាម