កីឡា

ថ្ងៃនេះ Djokovic ត្រូវបានដោះលែងឲ្យមានសេរីភាពនៅអូស្ត្រាលីហើយ

បានផុស

៤ years មុន

នៅ

ថ្ងៃអង្គារ ១១ មករា ២០២២

ដោយ

នៅថ្ងៃអង្គារ៍នេះ តារាវាយកូនបាល់លេខ១លើកលោក Novak Djokovic បានភ្ញាក់ពីដំណេកនៅខាងក្រៅការឃុំឃាំងអន្តោប្រវេសន៍ក្នុងប្រទេសអូស្ត្រាលី ដែលស្ទើរតែមួយសប្តាហ៍ បន្ទាប់ពីរូបគេបានចូលក្នុងប្រទេសនេះ និងមានការខឹងសម្បារជាអន្តរជាតិជុំវិញវិធានការចាក់វ៉ាក់សាំងបង្ការកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា តារាវាយកូនបាល់រូបនេះនៅតែប្រឈមនឹងការគំរាមកំហែងឃុំខ្លួនដោយរដ្ឋាភិបាលអូស្ត្រាលីជាលើកទី២ និងត្រូវនិរទេសចេញ បើទោះជាសាកក្រមរបស់តុលាការកាលពីថ្ងៃចន្ទម្សិលមិញបានជំទាស់នឹងការលុបចោលទិដ្ឋាការរបស់រដ្ឋាភិបាលក៏ដោយ។

Djokovic ដែលបានត្រឡប់មកពីការហ្វឹកហាត់ប៉ុន្មានម៉ោង បន្ទាប់ពីតុលាការសម្រេចឲ្យឈ្នះ អរគុណដល់ចៅក្រមដែលបានដោះលែងរូបគេឲ្យមានសេរីភាពពីការឃុំឃាំងអន្តោប្រវេសន៍ និងនិយាយថា រូបគេនៅតែផ្តោតសំខាន់លើការប្រកួតដើម្បីឈ្នះពានរង្វាន់ធំកំណត់ត្រាលើកទី២១ Australian Open ដែលនឹងប្រកួតនាសប្តាហ៍ក្រោយ។

កីឡាករបានសរសេរនៅលើ Twitter រួមជាមួយនឹងរូបថតមួយសន្លឹកនៅទីលានឯ Melbourne Park ថា ៖«ខ្ញុំពិតជារីករាយ និងអរគុណដល់ចៅក្រមដែលសម្រេចផ្តល់សុពលភាពទិដ្ឋាការរបស់ខ្ញុំវិញ។ ទោះជាមានរឿងអ្វីកើតឡើងក៏ដោយ ក៏ខ្ញុំនៅតែផ្តោតលើការប្រកួត Australian Open ដដែល»។

សូមបញ្ជាក់ថា តារាវាយកូនបាល់លេខ១លើលោក Novak Djokovic ត្រូវបានហាមចូលប្រទេសអូស្ត្រាលីកាលពីថ្ងៃព្រហស្បតិ៍សប្តាហ៍មុនដើម្បីចូលរួមប្រកួតពានរង្វាន់ Australian Open ដោយសាររូបគេមិនចាក់វ៉ាក់សាំងបង្ការកូវីដ-១៩ដែលជំរុញឲ្យមានការតវ៉ាយ៉ាងខ្លាំ។

រូបគេត្រូវបានរដ្ឋាភិបាលអូស្ត្រាលីលុបចោលទិដ្ឋាការ និងបានបញ្ជាឲ្យត្រឡប់ទៅប្រទេសកំណើតវិញ។ យ៉ាងណាមានការតវ៉ា និងប្តឹងជំទាស់ទៅតុលាការដើម្បីទទួលបានសុពលភាពទិដ្ឋាការវិញដែលផ្តល់ឱកាសឲ្យរូបគេអាចចូលរួមការប្រកួតបាន៕

ប្រែសម្រួល៖ វីរបុត្រ
ប្រភព៖ Reuters

Related Topics:កីឡាវាយកូនបាល់Novak Djokovic

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា